పగటి నిద్ర మంచిదా? కాదా? సైన్స్, స్టడీలు ఏం చెబుతున్నాయో తెలిస్తే షాకవుతారు!

ఉదయం లేచినప్పటి నుంచి పనిచేసి, మధ్యాహ్నం అయ్యేసరికి శక్తి సన్నగిల్లడం, ఏకాగ్రత తగ్గడం చాలా మందికి అనుభవమే. అయితే, మధ్యాహ్నం తీసుకునే పవర్​ న్యాప్​ లాంటి చిన్నపాటి నిద్ర కేవలం అలసటను తీర్చడమే కాదు, మీ మెదడును అక్షరాలా ఒక ‘సాఫ్ట్ రీస్టార్ట్’ చేసినట్లుగా తాజా అనుభూతిని ఇస్తుందని సైన్స్ చెబుతోంది. ఈ చిన్న విరామం మన మెదడు పనితీరును, మొత్తం ఆరోగ్యాన్ని ఎలా మెరుగుపరుస్తుందో తెలుసుకుందాం..

•  పగటి నిద్ర మెదడును రిబూట్ చేస్తుంది. మధ్యాహ్నం నిద్రపోవడం వల్ల మెదడు పనితీరుపై అద్భుతమైన ప్రభావం ఉంటుంది. చిన్నపాటి నిద్ర, మెదడులో సమాచారాన్ని నిల్వ చేసే హిప్పోక్యాంపస్ ప్రాంతాన్ని ఉత్తేజపరుస్తుంది. దీంతో, జ్ఞాపకశక్తి పెరుగుతుంది, కొత్త విషయాలను సులభంగా నేర్చుకునే సామర్థ్యం మెరుగవుతుంది.
•  ఏకాగ్రత పెరుగుతుంది. నిద్రలేమి కారణంగా పగలంతా తగ్గే ఏకాగ్రత, చురుకుదనం మధ్యాహ్నం కునుకు తీయడం ద్వారా తిరిగి పెరుగుతాయి. ముఖ్యంగా, నిద్ర తర్వాత మెదడు మరింత వేగంగా, చురుకుగా పనిచేయడానికి సిద్ధమవుతుంది.
• సృజనాత్మకత పెరుగుతుంది. పవర్ న్యాప్‌లు మెదడును విశ్రాంతి స్థితిలోకి తీసుకువెళ్లి, సమస్యలను కొత్త కోణం నుంచి ఆలోచించేందుకు సహాయపడతాయి. ఇది సృజనాత్మకతను పెంచుతుంది. మధ్యాహ్నం నిద్ర కేవలం మెదడుకు మాత్రమే కాదు, మన శారీరక, మానసిక ఆరోగ్యానికి కూడా ఎంతో మేలు చేస్తుంది:
•  చిన్న నిద్ర ఒత్తిడిని కలిగించే హార్మోన్ల స్థాయిని తగ్గిస్తుంది. దీంతో మానసిక ప్రశాంతత లభిస్తుంది. నిద్ర తర్వాత మనసు ఉల్లాసంగా మారుతుంది. ఇది చిరాకు, కోపాన్ని తగ్గించి, రోజులో సానుకూల దృక్పథాన్నిపెంచుతుంది. క్రమం తప్పకుండా మధ్యాహ్నం నిద్రపోయే వారిలో గుండె జబ్బులు వచ్చే ప్రమాదం తగ్గుతుందని కొన్ని అధ్యయనాలు సూచించాయి.
•  మధ్యాహ్నం నిద్ర ప్రయోజనాలను పూర్తిగా పొందాలంటే, దాని సమయం చాలా ముఖ్యం. 10 – 20 నిమిషాల పాటు కచ్చితంగా నిద్రపోవాలి. కానీ దీర్ఘనిద్రలోకి జారుకోకుండా జాగ్రత్త పడాలి. మధ్యాహ్నం 3 గంటల తర్వాత నిద్రపోతే, రాత్రి నిద్రకు భంగం కలిగే అవకాశం ఉంది. NOTE: పైన పేర్కొన్న అంశాలు కేవలం అవగాహన కోసం మాత్రమే జారీ చేయబడినవి.. వీటిని మేం దృవీకరించలేదు.. వీటిపై మీకు సందేహాలు ఉంటే వైద్యులను సంప్రదించండి.