కేవలం నీళ్లు తాగితే సరిపోదు.. ఈ లక్షణాలు కనిపిస్తే అలర్ట్ అవ్వండి..

చాలా మందికి తెలియకుండానే డీహైడ్రేషన్ సమస్య ఎదురవుతోంది. ఇది మనకు స్పష్టంగా కనిపించదు. సాధారణ అలసట, నీరసం, తలనొప్పి, కాన్సంట్రేషన్ లేకపోవడం మీ శరీరానికి నీరు అవసరం ఉంది చెప్పే సూచనలు కావచ్చు. ఎలాంటి జాగ్రత్తలు తీసుకోవాలి.. అనే వివరాలను తెలుసుకుందాం.. వేసవి వచ్చేసింది. తీరికలేని పనులు, సుదీర్ఘ ప్రయాణాలు, తీవ్రమైన వేడి, అలాగే తీరికలేని జీవనశైలి కారణంగా, చాలా మందికి తెలియకుండానే డీహైడ్రేషన్ అంటే శరీరంలో నీటి శాతం తగ్గడం అనే సమస్య ఎదురవుతోంది. ఇది ఎప్పుడు మనకు స్పష్టంగా కనిపించదు. సాధారణ అలసట, నీరసం, తలనొప్పి, లేదా ఏకాగ్రత లోపంగా అనిపించే లక్షణాలు ఉంటే అది మీ శరీరానికి నీటి అవసరం ఉందని చెప్పే సూచనలు కావచ్చు. మీరు చెమట పట్టిన ప్రతిసారీ, కేవలం ఫ్ల్యూయిడ్స్ ని మాత్రమే కాదు, సోడియం, పొటాషియం, క్లోరైడ్ వంటి ముఖ్యమైన ఎలక్ట్రోలైట్లను కూడా కోల్పోతారు. ఈ ఎలక్ట్రోలైట్లే మీ కండరాలను కదిలేలా, మీ మెదడును ఏకాగ్రతతో ఉంచే పవర్ సంకేతాలు. హెల్త్ ఎక్స్‌పర్ట్స్ ప్రకారం, హైడ్రేషన్ అంటే కేవలం నీళ్లు తాగడం మాత్రమే కాదు. వేడి వాతావరణంలో, ప్రయాణాలలో, వ్యాయామాలలో, శారీరకంగా శ్రమించే రోజులలో లేదా సాధారణ పనుల సమయంలో కూడా ఎలక్ట్రోలైట్లను అవసరమైనన్ని తీసుకోవడం ముఖ్యం. అలసట, కళ్లు తిరగడం, లేదా రోజులో ఎదో ఒక సమయంలో పూర్తిగా నీరసించిపోవడం వంటి సంకేతాలను నెగ్లెక్ట్ చేయకండి. హైడ్రేటెడ్‌గా ఉండండి. ఎనర్జీగా ఉండండి . వేసవిని ఎదుర్కోడానికి మిమ్మల్ని మీరు ఎల్లప్పుడూ సిద్ధంగా ఉంచుకోండి.