ఎన్టీఆర్ ‘వయసునామి’కి జపాన్ జంట డ్యాన్స్.. చూస్తే వావ్ అనాల్సిందే
జూనియర్ ఎన్టీఆర్‌కి ఉన్న ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. అయితే ఆయనకు ఇక్కడే కాదు జపాన్‌లో కూడా అభిమానులున్నారు.
NTR Vayasunami Song: జూనియర్ ఎన్టీఆర్‌కి ఉన్న ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. అయితే ఆయనకు ఇక్కడే కాదు జపాన్‌లో కూడా అభిమానులున్నారు. జనతా గ్యారేజ్‌లో నటించే సమయంలో ఓ జపాన్ అభిమాని ఎన్టీఆర్ కోసం ఇక్కడ వరకు వచ్చి మరీ అతడితో ఫొటో తీసుకొని వెళ్లారు. ఇదిలా ఉంటే ఓ జపాన్ జంట ఇప్పుడు ఎన్టీఆర్ పాటలకు స్టెప్పులు వేస్తూ సోషల్ మీడియాలో దూసుకుపోతున్నారు. జూలైలో అశోక్ చిత్రంలోని ‘గోల గోల రంగోలా’, సింహాద్రిలోని ‘చీమ చీమ’ పాటలకు స్టెప్పులు వేసిన ఓ జంట.. తాజాగా కంత్రి సినిమాలోని ‘వయస్సునామి’ పాటకు డ్యాన్స్ కట్టారు.
అయితే ఏదో డ్యాన్స్ వేసినట్లు కాకుండా ఈ సారి తమలోని వైవిధ్యాన్ని ఆ ఇద్దరు బయటపెట్టారు. పాటలో ఎన్టీఆర్, హన్సిక ధరించినట్లుగానే డ్రస్‌లు ధరించిన ఆ ఇద్దరు.. వారిలాగే స్టెప్పులు వేస్తూ ఇంటిని శుభ్రం చేశారు. ఈ వీడియోలో ఆ జంట పిల్లలు కూడా మధ్య మధ్యలో భాగం అయ్యారు. ప్రస్తుతం ఈ వీడియో వైరల్‌గా మారగా.. అందరినీ తెగ ఆకట్టుకుంటోంది. కేవలం ఎన్టీఆర్ అభిమానులనే కాదు ఇటు డ్యాన్స్‌ని ఇష్టపడే వారు కూడా వారిద్దరి స్టెప్పులకు ఫిదా అవుతున్నారు. ఇంకెందుకు ఆలస్యం ఆ వీడియోను చూసేయండి.
Read More:
