Venkatesh: త్వరలోనే ప్రేక్షకుల ముందుకు వెంకటేష్ దృశ్యం2….సినిమాలో అదిరిపోయే ట్విస్ట్ అదేనట..

విక్టరీ వెంకటేష్ ప్రస్తుతం నారప్ప ఆసినిమాను పూర్తి చేసే పనిలో పడ్డారు. తమిళంలో సూపర్ హిట్ అయిన అసురన్ సినిమాకు రీమేక్ గా ఈ సినిమా తెరకెక్కుతుంది.

Drushyam 2 Movie

Rajeev Rayala |
Updated on: Apr 16, 2021 | 8:02 AM

విక్టరీ వెంకటేష్ ప్రస్తుతం నారప్ప ఆసినిమాను పూర్తి చేసే పనిలో పడ్డారు. తమిళంలో సూపర్ హిట్ అయిన అసురన్ సినిమాకు రీమేక్ గా ఈ సినిమా తెరకెక్కుతుంది. నారప్ప అనే ఇంట్రస్టింగ్ టైటిల్ తో ఈ సినిమాను తెరకెక్కిస్తున్నారు. ఈ ఈ సినిమాలో ప్రియమణి హీరోయిన్ గా నటిస్తుంది. ఇప్పటికే ఈ సినిమా షూటింగ్ పూర్తయ్యిందని తెలుస్తుంది. ఈ సినిమాకు శ్రీకాంత్ అడ్డాల దర్శకత్వం వహిస్తున్నాడు. ఇక ఈ మూవీ తర్వాత అనీల్ రావిపూడి దర్శత్వంలో ఎఫ్3 సినిమా చేస్తున్నాడు వెంకీ. ఈ సినిమా షూటింగ్ ఇటీవలే ప్రారంభం అయ్యింది.

వీటితోపాటు మలయాళం లో మంచి విజయం సాధించిన దృశ్యం సినిమాను రీమేక్ చేస్తున్నారు వెంకీ. ఇప్పటికే ఈ సినిమా మొదటి భాగం ప్రేక్షకుల ముందుకు వచ్చి మంచి విజయాన్ని సొంతం చేసుకుంది. ఈ నేపథ్యంలో ఈ సినిమాకు సీక్వెల్ గా దృశ్యం 2 సినిమాను తెరకెక్కించారు. మలయాళంలో మోహన్ లాల్, మీనా ప్రధాన పాత్రలో నటించారు. ఇక తెలుగులో వెంకటేష్ కు జోడీగా మీననే అంటిస్తున్నారు. కాగా దృశ్యం 2 సినిమా షూటింగ్ శరవేగంగా పూర్తి చేసారు చిత్రయూనిట్. ప్రస్తుతం పోస్ట్ ప్రొడక్షన్ పనుల్లో ఉంది ఈ సినిమా . అయితే ఈ సినిమాలో అదిరిపోయే ట్విస్ట్ ఉండనుందట.ఆద్యంత ఆసక్తికరంగా సాగేలా తెరకెక్కించాడట దర్శకుడు జీతుజోసెఫ్. అయితే పార్ట్ 2 లో పోలీసులు వెంకటేష్ ను పట్టుకోవడానికి వేసే ప్లాన్ లు ఇంట్రస్టింగ్ గా ఉంటాయని తెలుస్తుంది. పోలీసులు వేసే ఎత్తుల నుంచి వెంకీ ఎలా తప్పించ్చుకున్నాడు అనేది ఆసక్తికరంగా ఉండబోతుందని అంటున్నారు. త్వరలోనే ఈ సినిమా ప్రేక్షకుల ముందుకు రాబోతుంది. మరి ఈ సినిమా ఎలా ఆకట్టుకుంటుందో చూడాలి.

మరిన్ని ఇక్కడ చదవండి :