Uppena Movie : త్వరలో తీరాన్ని తాకనున్న ‘ఉప్పెన’.. ప్రేక్షకుల ముందుకు వచ్చేది ఎప్పుడంటే…

Uppena Movie : వైష్ణవ్ తేజ్ హీరోగా పరిచయమవుతున్న ‘ఉప్పెన‘ చిత్రంలో పాపులర్ తమిళ నటుడు ‘మక్కల్ సెల్వన్’ విజయ్ సేతుపతి ఒక కీలక పాత్ర పోషిస్తున్నారు. కృతి శెట్టి నాయికగా టాలీవుడ్‌లో అడుగుపెడుతోంది. సుకుమార్ శిష్యుడు బుచ్చిబాబు ఈ సినిమాతో దర్శకుడిగా టాలీవుడ్ కి పరిచయం అవుతున్నాడు. ఇక సుకుమార్, మైత్రీ మూవీ మేకర్స్ కలిసి ఈ సినిమా నిర్మించిన సంగతి తెలిసిందే.

ఈ సినిమాలో నీ కన్ను నీలి సముంద్రం.. పాట ఎంత పాపులర్ అయిందో తెలిసిందే.అలాగే ఇటీవల విడుదలైన టీజర్ కు కూడా మంచి రెస్పాన్స్ వస్తుంది. ఈ సినిమాకు దేవిశ్రీ ప్రసాద్ సంగీతం అందించారు.  కరోనా కారణంగా ఈ సినిమా ఆలస్యం అయ్యింది. లేకుంటే ఈపాటికి థియేటర్స్ లో సందడి చేసేది. తాజాగా ఈ సినిమా రిలీజ్ డేట్ ను లాక్ చేశారు చిత్రయూనిట్. అందమైన ప్రేమకథగా వస్తున్న ఈ సినిమాను ప్రేమికుల రోజున ప్రేక్షకుల ముందుకు తీసుకు రానున్నారు. ప్రేమికుల రోజు కానుకగా పిబ్రవరి 14న సినిమాని రిలీజ్ చేయబోతున్నారని తెలుస్తోంది. మరి ఈ సినిమా ప్రేక్షకులను ఎలా ఆకట్టుకుంటుందో చూడాలి.

మరిన్ని ఇక్కడ చదవండి :

Salman Khan : సల్మాన్ ఖాన్ విచారణకు హాజరుకావాల్సిందే.. ఆదేశించిన జోధ్పూర్ హైకోర్టు