Jr NTR: తారక్ సినిమా కోసం హీరోయిన్స్ వేట.. ఆ అమ్మడు ఆల్మోస్ట్ కన్ఫామ్ అంటున్నారే
కొమురం భీంగా అద్భుతమైన నటనతో ప్రేక్షకులను మెప్పించారు తారక్. ఇక ఇప్పుడు కొరటాల శివ దర్శకత్వంలో సినిమా చేస్తున్నాడు.
యంగ్ టైగర్ ఎన్టీఆర్ సినిమా కోసం నందమూరి అభిమానులంతా వేయి కళ్ళతో ఎదురుచూస్తున్నారు. ఆర్ఆర్ఆర్ తో పాన్ ఇండియా హిట్ అందుకున్నాడు తారక్. కొమురం భీంగా అద్భుతమైన నటనతో ప్రేక్షకులను మెప్పించారు తారక్. ఇక ఇప్పుడు కొరటాల శివ దర్శకత్వంలో సినిమా చేస్తున్నాడు. గతంలో ఈ ఇద్దరి కాంబినేషన్ లో వచ్చిన జనతా గ్యారేజ్ సినిమా సూపర్ హిట్ గా నిలిచిన విషయం తెలిసిందే. ఇక ఇప్పుడు మరోసారి ఈ కాంబోలో సినిమా వస్తుండటంతో అభిమానుల్లో భారీ అంచనాలు నెలకొన్నాయి. ఇటీవల కొరటాల ఆచార్య సినిమాతో ప్రేక్షకుల ముందుకు వచ్చాడు. ఈ సినిమా బాక్సాఫీస్ దగ్గర బోల్తా కొట్టింది. దాంతో ఇప్పుడు తారక్ సినిమాకోసం కాస్త గట్టిగానే కసరత్తులు చేస్తున్నాడు కొరటాల.
ఇప్పటికే ఈ సినిమానుంచి విడుదలైన వీడియ గ్లిమ్ప్స్ ప్రేక్షకులను మెప్పించింది. కంప్లీట్ యాక్షన్ ఎంటర్టైనర్ గా ఈ సినిమా తెరకెక్కుతోందని ఈ గ్లిమ్ప్స్ చూస్తే అర్ధమవుతోంది. ఇక ఈ సినిమాలో హీరోయిన్ గురించి రోజుకొక వార్త వినిపిస్తోంది. ఈ సినిమాలో హీరోయిన్ గా బాలీవుడ్ బ్యూటీ ని ఎంపిక చేశారని టాక్ వినిపించింది. అందాల భామ జాన్వీ కపూర్ ఈ సినిమాలో హీరోయిన్ గా నటిస్తుందని టాక్ వినిపించింది. ఆ తర్వాత నేషనల్ క్రాష్ రష్మిక మందన్న తారక్ సరసన ఛాన్స్ దక్కించుకుందని అన్నారు. ఇక ఇప్పుడు మరో బ్యూటీ పేరు వినిపిస్తోంది.
తారక్ సరసన కీర్తిసురేష్ హీరోయిన్ గా ఎంపిక అయ్యిందని అంటున్నారు. ఇటీవలే మహేష్ బాబు నటించిన సర్కారు వారి పాట సినిమాతో మంచి హిట్ అందుకుంది కీర్తి. ఈ సినిమాలో కాస్త గ్లామర్ డోస్ పెంచి అలరించింది. ఇక ఇప్పుడు ఈ బ్యూటీని తారక్ సినిమాకోసం ఎంపిక చేసే ఆలోచనలో మేకర్స్ ఉన్నారని అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
