‘ఇస్మార్ట్ శంకర్’ మూవీ..ఆర్జీవీని పిచ్చోడ్ని చేసిందట!

హైదరాబాద్‌: ‘ఇస్మార్ట్‌ శంకర్‌’ మూవీతో చాలా రోజుల తర్వాత మాస్ హిట్ ఇచ్చాడు పూరి జగన్నాథ్. ఈ సినిమా ప్రస్తుతం బాక్సాఫీస్ దగ్గర కలెక్షన్ల మోత మోగిస్తుంది. దీంతో మూవీ యూనిట్ సెలబ్రేషన్స్‌లో మునిగి తేలుతుంది. పూరి బాస్, దర్శకుడు రామ్‌గోపాల్ వర్మ ఎంట్రీతో పూరి కేవ్స్‌లో రచ్చ మరో రేంజ్‌కి వెళ్లింది.

పుల్ జోష్‌లో ఉన్న టీంకి మరింత ఉత్సాహం పెంచారు ఆర్జీవీ.  షాంపైన్ బాటిల్‌ను యూనిట్ చల్లి.. మిగిలినది తన తలపై పోసుకున్నారు. ఆయన అలా చేస్తుంటే పార్టీలో ఉన్న యూనిట్‌ మొత్తం చప్పట్లు కొడుతూ, కేకలు పెట్టారు.  ఈ సందర్భంగా తీసిన వీడియోను ఆర్జీవీ ట్విటర్‌లో షేర్‌ చేశారు. ‘నాకు పిచ్చిలేదు. ‘ఇస్మార్ట్‌ శంకర్‌’ నాకు పిచ్చిపట్టించింది. దీనికి పూరీ, ఛార్మిలను నిందించండి’ అని పోస్ట్‌ చేశారు.

అంతకుముందు బైక్‌పై శ్రీరాములు థియేటర్‌కి వెళ్లి ఆర్జీవీతో సినిమా చూశారు. మొత్తం మీద నిన్నంతా ఇస్మార్ట్ శంకర్‌కు భారీ హైప్ తీసుకువచ్చాడు ఈ క్రేజీ డైరక్టర్.