Vijay Sethupathi: 73 లక్షల మంది ఫాలోవర్స్.. కానీ ఆ ఏడుగురిని మాత్రమే ఫాలో అవుతున్న విజయ్ సేతుపతి.. ఎవరంటే..

డైరెక్టర్ బుచ్చిబాబు సన తెరకెక్కించిన ఉప్పెన చిత్రంలో ప్రతినాయకుడిగా రాయనం పాత్రలో విజయ్ నటన గురించి చెప్పక్కర్లేదు. ఆ తర్వాత మాస్టర్, విక్రమ్ చిత్రాల్లోనూ మెప్పించారు. ప్రస్తుతం బాలీవుడ్ స్టార్ హీరో షారుఖ్ ఖాన్ నటిస్తోన్న జవాన్ చిత్రంలో కీలకపాత్రలో నటిస్తున్నారు విజయ్. నటనకు ప్రాధాన్యత ఉంటే ఎలాంటి పాత్రలోనై నటించేందుకు వెనకడాని హీరో విజయ్ సేతుపతి.

Vijay Sethupathi

Rajitha Chanti |
Updated on: Jun 24, 2023 | 7:03 PM

పాన్ ఇండియా స్టార్ హీరో విజయ్ సేతుపతి. కేవలం సౌత్ కాదు.. నార్త్‏లోనూ ఆయనకు అభిమానులు ఉన్నారు. ఎలాంటి బ్యాగ్రౌండ్ లేకుండా నటనపై ఆసక్తితో సినీరంగంలోకి అడుగుపెట్టిన సేతుపతి తనకంటూ ప్రత్యేక గుర్తింపు తెచ్చుకున్నారు. కేవలం హీరోగానే కాకుండా.. పవర్ ఫుల్ విలన్‏గానూ అదరగొట్టారు. డైరెక్టర్ బుచ్చిబాబు సన తెరకెక్కించిన ఉప్పెన చిత్రంలో ప్రతినాయకుడిగా రాయనం పాత్రలో విజయ్ నటన గురించి చెప్పక్కర్లేదు. ఆ తర్వాత మాస్టర్, విక్రమ్ చిత్రాల్లోనూ మెప్పించారు. ప్రస్తుతం బాలీవుడ్ స్టార్ హీరో షారుఖ్ ఖాన్ నటిస్తోన్న జవాన్ చిత్రంలో కీలకపాత్రలో నటిస్తున్నారు విజయ్. నటనకు ప్రాధాన్యత ఉంటే ఎలాంటి పాత్రలోనై నటించేందుకు వెనకడాని హీరో విజయ్ సేతుపతి. భాషతో సంబంధం లేకుండా ఎంతో మంది అభిమానులను సంపాదించుకున్నారు.

అయితే ఇన్ స్టాలో కేవలం తన సినిమా అప్డేట్స్ మాత్రమే షేర్ చేస్తుంటారు విజయ్. తన వ్యక్తిగత జీవితానికి సంబంధించిన విషయాలను పబ్లిసిటి చేసేందుకు ఇష్టపడరు. ప్రస్తుతం ఇన్ స్టాలో సేతుపతికి 7.3 మిలియన్ అంటే 73 లక్షలకు పైగా ఫాలోవర్స్ ఉన్నారు. కానీ.. విజయ్ మాత్రం కేవలం ఏడుగురిని మాత్రమే ఫాలో అవుతున్నారు. ఇంతకీ వారెవరో తెలుసుకుందామా.

ఇవి కూడా చదవండి

లేడీ సూపర్ స్టార్ నయనతార భర్త డైరెక్టర్ విఘ్నేష్ శివన్, తమిళ్ డైరెక్టర్ మిస్కిన్, హీరోయిన్ అంజలి, కోలీవుడ్ నటుడు రమేష్ తిలక్, కోలీవుడ్ గేయ రచయిత కార్తీక్ నేత, డైరెక్టర్ రంజిత్ జయకోడి, తర్వాత తన సొంత నిర్మాణ సంస్థ విజయ్ సేతుపతి ప్రొడక్షన్స్ ఖాతాలను మాత్రమే ఫాలో అవుతున్నారు.

ఇదిలా ఉంటే.. విజయ్ సేతుపతి మరోసారి కమల్ హాసన్ సినిమాలో నటించనున్నారు. ప్రస్తుతం డైరెక్టర్ శంకర్ దర్శకత్వంలో ఇండియన్ 2 సినిమా చేస్తున్న కమల్.. ఆ తర్వాత హెచ్ వినోద్ దర్శకత్వంలో ఓ మూవీ చేయబోతున్నారు. ఇందులో ప్రతినాయకుడిగా విజయ్ సేతుపతి నటించనున్నారని తెలుస్తోంది.