Venkatesh: మిమ్మల్ని మీరే మించిపోయారు.. ఎమోషనల్ అయిన వెంకటేష్ డాటర్..

విక్టరీ వెంకటేష్ హీరోగా వచ్చిన నారప్ప సినిమా ప్రస్తుతం మంచి టాక్ తో దూసుకుపోతోంది. ఇటీవల అమెజాన్ ప్రైమ్ లో విడుదలైన ఈ సినిమా మంచి ...

Rajeev Rayala |

Updated on: Jul 23, 2021 | 7:02 PM

Venkatesh: విక్టరీ వెంకటేష్ హీరోగా వచ్చిన నారప్ప సినిమా ప్రస్తుతం మంచి టాక్ తో దూసుకుపోతోంది. ఇటీవల అమెజాన్ ప్రైమ్ లో విడుదలైన ఈ సినిమా ప్రేక్షకులను ఆకట్టుకొంటోంది. తమిళ్ లో సూపర్ హిట్ అయిన అసురన్ సినిమాకు రీమేక్ గా ఈ మూవీ తెరకెక్కింది. ఈ సినిమాలో హీరోయిన్ గా ప్రియమణి నటించారు. వెంకీతో సీతమ్మ వాకిట్లో సిరిమల్లె చెట్టు సినిమా తెరకెక్కించిన శ్రీకాంత్ అడ్డాల ఈ మూవీకి దర్శకత్వం వహించారు. కరోనా కారణంగా ఈ సినిమాను థియేటర్స్ లోకాకుండా ఓటీటీ లో రిలీజ్ చేశారు. అవవడానికి రీమేక్ సినిమానే అయినా వెంకటేష్ తన నటనతో మరోసారి ప్రేక్షకుల చేత కన్నీళ్లు పెట్టించారు. ఈ సినిమా మంచి టాక్ ను సొంతం చేసుకోవడం పట్ల వెంకటేష్ కూడా సంతోషం వ్యక్తం చేశారు. తాజాగా ఆయన కూతురు ఆశ్రిత తన ఇన్ స్టా వేదికగా సినిమా రివ్యూ ఇచ్చారు.

ఆశ్రిత నారప్ప సినిమా గురించి మాట్లాడుతూ.. తండ్రి వెంకటేష్ ను అభినందించారు. ఆయన నటన పై ప్రశంసలు కురిపించారు. తన తండ్రి నటన అద్భుతంగా ఉందని, హృదయాన్ని తాకింది ఎమోషనల్ అయ్యారు ఆశ్రిత. నేను ఎప్పటిలాగే మొదటి రోజు మొదటిరోజు మీ సినిమా చూడాలనుకున్నాను.. కానీ సమయం మారిపోయింది. నేను చాలా దూరంగా ఉన్నాను. కానీ మిమ్మల్ని పొగడకుండా ఉండలేను. ప్రతి ప్రశంసకు మీరు అర్హులు. మీరు మిమ్మల్ని మించిపోయారు! మీ లుక్.. మీ పాత్ర..! మీ పెర్ఫార్మెన్స్ అద్భుతం. మీరు ఎప్పుడూ నాకు ఇంస్ప్రెక్షన్ అంటూ ఎంతో ఎమోషనల్ అయ్యారు ఆశ్రిత.