Varun Tej- Lavanya Tripathi: కల్యాణ ఘడియలు దగ్గర పడ్డాయి..పెళ్లి షాపింగ్లో వరుణ్, లావణ్య బిజీ బిజీ.. వీడియో
టాలీవుడ్ ప్రేమ పక్షులు వరుణ్ తేజ్, లావణ్య త్రిపాఠి మరికొన్ని రోజుల్లో మూడు ముళ్ల బంధంలోకి అడుగుపెట్టనున్నారు. ఇప్పటికే ఉంగరాలు మార్చుకుని నిశ్చితార్థం చేసుకున్న ఈ ప్రేమ జంట త్వరలోనే పెళ్లిపీటలెక్కనున్నారు. అటు వరుణ్, ఇటు లావణ్య ఫ్యామిలీస్లో పెళ్లి పనులు కూడా షురూ అయినట్లు తెలుస్తోంది. నవంబర్ 1న వీరి పెళ్లికి ముహూర్తం ఫిక్స్ అయ్యిందని తెలుస్తోంది. ఇటలీలోని ఓ ప్యాలెస్లో వరుణ్, లావణ్యల వివాహం జరగనుందని..
Updated on: Sep 16, 2023 | 6:57 PM
టాలీవుడ్ ప్రేమ పక్షులు వరుణ్ తేజ్, లావణ్య త్రిపాఠి మరికొన్ని రోజుల్లో మూడు ముళ్ల బంధంలోకి అడుగుపెట్టనున్నారు. ఇప్పటికే ఉంగరాలు మార్చుకుని నిశ్చితార్థం చేసుకున్న ఈ ప్రేమ జంట త్వరలోనే పెళ్లిపీటలెక్కనున్నారు. అటు వరుణ్, ఇటు లావణ్య ఫ్యామిలీస్లో పెళ్లి పనులు కూడా షురూ అయినట్లు తెలుస్తోంది. నవంబర్ 1న వీరి పెళ్లికి ముహూర్తం ఫిక్స్ అయ్యిందని తెలుస్తోంది. ఇటలీలోని ఓ ప్యాలెస్లో వరుణ్, లావణ్యల వివాహం జరగనుందని సమాచారం. ఇరు కుటుంబాల పెద్దలు, అత్యంత సన్నిహితులు, స్నేహితులు మాత్రమే ఈ గ్రాండ్ వెడ్డింగ్కు హాజరుకానున్నారని తెలుస్తోంది. అయితే దీనిపై అటు వరుణ్, ఇటు లావణ్యల ఫ్యామిలీస్ నుంచి ఎలాంటి అధికారిక ప్రకటన రాలేదు. మరోవైపు ఇరు కుటుంబాల్లోనూ పెళ్లి ఏర్పాట్లు షర వేగంగా జరుగుతున్నాయని తెలుస్తోంది. తాజాగా ఓ షాపింగ్మాల్లో జంటగా కనిపించారు వరుణ్ తేజ్- లావణ్య. హైదరాబాద్లోని ప్రముఖ సెలబ్రిటీ డిజైనర్ మనీష్ మల్హోత్రాకు చెందిన షో రూమ్లో సందడి చేశారీ లవ్ బర్డ్స్. పెళ్లికి సంబంధించిన దుస్తులు, ఇతరత్రా షాపింగ్ కోసమే వీరు ఇక్కడికి వచ్చినట్లు తెలుస్తోంది. ప్రస్తుతం దీనిక సంబంధించిన వీడియో సామాజిక మాధ్యమాల్లో వైరల్గా మారింది.
ఇక సుమారు ఆరేళ్ల క్రితం వచ్చిన మిస్టర్ సినిమాలో జోడీగా కనిపించారు వరుణ్- లావణ్య. అప్పుడే వీరి మధ్య స్నేహం చిగురించిందని తెలుస్తోంది. ఆ తర్వాత అంతరిక్షం సినిమాలోనూ కలిసి నటించిన ఈ జంట తమ ప్రేమ వ్యవహారాన్ని మాత్రం చాలా గోప్యంగా ఉంచింది. అయితే ఈ ఏడాది జూన్ 9న ఉంగరాలు మార్చుకుని తమ ప్రేమ బంధాన్ని అఫీషియల్గా ప్రకటించారు. త్వరలోనే ఏడడుగుల బంధంతో ఒకటి కానున్నారు. ఇక సినిమాల విషయానికొస్తే.. వరుణ్ తేజ్ నటించిన గాంఢీవధారి అర్జున ఆగస్టు 25న ప్రేక్షకుల ముందుకు వచ్చింది. ప్రవీణ్ సత్తారు తెరకెక్కించిన ఈ స్పై యాక్షన్ థ్రిల్లర్ వరుణ్కు నిరాశనే మిగిల్చింది. ప్రస్తుతం పలాస ఫేమ్ కరుణ కుమార్ దర్శకత్వంలో మట్కా అనే ఓ సినిమా చేస్తున్నాడు మెగా ప్రిన్స్. దీంతో పాటు ఆపరేషన్ వాలంటైన్ అనే మూవీకి ఓకే చెప్పాడు. తెలుగుతో పాటు హిందీలోనూ ఈ సినిమా తెరకెక్కుతోంది. ఇక లావణ్య త్రిపాఠి చివరిగా పులి మేక అనే వెబ్ సిరీస్లో కనిపించింది. జీ5లో స్ట్రీమింగ్కు వచ్చేసిన ఈ సిరీస్కు మంచి స్పందన వచ్చింది. ప్రస్తుతం థనల్ అనే తమిళ సినిమాలో చేస్తోంది. ‘గద్దల కొండ గణేష్’ ఫేమ్ అథర్వ మురళి ఈ సినిమాలో హీరో.
పెళ్లి షాపింగ్ లో లావణ్య, వరుణ్..
The wedding prep begins for the Mega Wedding❤️🔥
Mega Prince #VarunTej & #LavanyaTripathi Spotted at @MMalhotraworld for their wedding outfit trails, Specially designed by @ManishMalhotra💥@IAmVarunTej @Itslavanya #VarunLav pic.twitter.com/r8fjtsypOe
— Varun Tej Fans (@VarunTejFans) September 16, 2023
మరిన్ని సినిమా వార్తల కోసం ఇక్కడ క్లిక్ చేయండి.
