Anudeep KV: టాలీవుడ్‌లోకి ఉక్రెయిన్ భామ.. జాతిరత్నాలు డైరెక్టరా మజాకా..

తమిళ్ హీరోలు తెలుగులోకి ఎంట్రీ ఇస్తున్న విషయం తెలిసిందే. రోజు రోజుకు టాలీవుడ్ రేంజ్ పెరుగుతుండటం తో తమిళ తంబీలు మన సినిమాలపై మోజుపరేసుకుంటున్నారు

Anudeep Kv

Rajeev Rayala |
Updated on: Mar 22, 2022 | 12:15 PM

Anudeep KV: తమిళ్ హీరోలు తెలుగులోకి ఎంట్రీ ఇస్తున్న విషయం తెలిసిందే. రోజు రోజుకు టాలీవుడ్ రేంజ్ పెరుగుతుండటంతో తమిళ తంబీలు మన సినిమాలపై మోజుపరేసుకుంటున్నారు. ఇప్పటికే ధనుష్, దళపతి విజయ్, సూర్య ఇలా ఒక్కొక్కరు టాలీవుడ్ దర్శకులతో సినిమాలు చేస్తున్నారు. ఈక్రమంలోనే యంగ్ హీరో శివ కార్తికేయ కూడా తెలుగులో సినిమా చేస్తున్న విషయం తెలిసిందే. శివకార్తికేయన్ తన టాలీవుడ్ అరంగేట్రం కోసం జాతిరత్నాలు దర్శకుడిని ఎంచుకున్న విషయం తెలిసిందే. `జాతి రత్నాలు` బ్లాక్బస్టర్ విజయం సాధించిన తర్వాత ప్రముఖ దర్శకులలో ఒకరిగా మారారు అనుదీప్. ఇటీవలే `వరుణ్ డాక్టర్`తో విజయం పొందిన శివకార్తికేయన్ కోసం అనుదీప్ సక్సెస్ ఫుల్ స్క్రిప్ట్ను సిద్ధం చేశాడు.

ఈ చిత్రం శివకార్తికేయన్ కు 20వ చిత్రం. #SK20 విభిన్నమైన కాన్సెప్ట్ తో కూడిన వినోదభరితమైన రొమాంటిక్ ఎంటర్టైనర్గా రూపొందబోతోంది. ఈ చిత్ర కథ బ్యాక్ డ్రాప్ పాండిచ్చేరి, లండన్ నేపథ్యంలో ఉంటుందని తెలుస్తుంది. ఇదిలా ఉంటే ఈ చిత్రంలో హీరోయిన్ గా ఉక్రేనియన్ బ్యూటీ మరియా ర్యాబోషప్క ఎంపికైంది. ఈ విషయాన్ని నిర్మాణ సంస్థలు ప్రకటించాయి. ఆమె ఇప్పటికే రెండు ఉక్రేనియన్ సినిమాల్లో నటించింది. అంతేకాక ప్రసిద్ధ భారతీయ వెబ్-సిరీస్ స్పెషల్ ఆప్స్లో ప్రధాన పాత్ర పోషించింది. మరియాకు సంబంధించి విడుదల చేసిన పోస్టర్ ప్రేక్షకులను ఆకట్టుకుంటుంది. శ్రీ వెంకటేశ్వర సినిమాస్ ఎల్ఎల్పి, సురేష్ ప్రొడక్షన్స్, శాంతి టాకీస్ బ్యానర్ ల పై నారాయణ్ దాస్ నారంగ్, పుస్కుర్ రామ్ మోహన్ రావు, సురేష్ బాబు నిర్మిస్తున్నారు. ఈ చిత్రం తెలుగు, తమిళ భాషలలో రూపొందుతోంది. ఈ చిత్రానికి ఎస్ థమన్ సంగీతం అందిస్తున్నారు.