సుక్కు సినిమాలో సునీల్, ఆయన రికమండేషన్

టాలీవుడ్ అగ్ర దర్శకులు త్రివిక్రమ్ శ్రీనివాస్, సుకుమార్‌ల మధ్య పెద్దగా సాన్నిహిత్యం కనిపించదు. ఇద్దరి మేకింగ్ స్టైల్ కూడా చాలా డిఫరెంట్. ఇద్దరి కథలు.. వాటి నేరేషన్ కూడా చాలా భిన్నంగా ఉంటుంది. వాళ్ల సినిమాల్లో కనిపించే ఆర్టిస్టుల విషయంలోనూ చాలా విభిన్నత ఉంటుంది. ఒకరి సినిమాల్లో కనిపించే ఆర్టిస్టులు ఇంకొకరి చిత్రాల్లో కనిపించడం చాలా రేర్. అయితే ఇప్పుడు త్రివిక్రమ్ సినిమా అంటే మాత్రం సునీల్ ఉండాల్సిందే. కాగా తాజాగా సుకుమార్ సినిమాలో సునీల్ కనిపించబోతున్నట్లు ఇండస్ట్రీ వర్గాల సమాచారం. ముందు అనుకున్న ఒక ఆర్టిస్టును తప్పించి మరీ సునీల్‌కు తన కొత్త చిత్రం ‘పుష్ప’లో ఛాన్స్ ఇచ్చారట సుక్కు.

అల్లు అర్జున్ హీరోగా సుక్కు తెరకెక్కించబోయే ‘పుష్ప’ మరికొద్ది రోజుల్లో సెట్స్‌పైకి వెళ్లనుంది. కాగా ఇప్పుడు కొన్ని పాత్రల విషయంలో ఆర్టిస్టులను ఛేంజ్ చేసినట్లు తెలిసింది. అందులో పాత్ర కోసం కొంచెం చిన్న స్థాయి క్యారెక్టర్ నటుడిని మొదట సెలక్ట్ చేయగా.. అతణ్ని తప్పించి ఇప్పుడు ఆ ప్లేసులోకి సునీల్‌ను తెస్తున్నట్లు తెలిసింది. సునీల్‌ను ఈ సినిమాకు తీసుకోవాలని బన్నీకి త్రివిక్రమ్ రిఫర్ చేసినట్లు వార్తలు వస్తున్నాయి. (Bigg Boss Telugu 4 : హౌస్ నుంచి సుజాత్ ఔట్ !..రీజన్స్ ఇవే ! )