Viral Photo: చక్కనైన కళ్లు.. బూరెబుగ్గలు.. ఈ చిన్నారి ఎవరో గుర్తుపట్టారా.. ఇప్పుడు యూత్ ఐకాన్..

తెలుగు, తమిళ భాషల్లో స్టార్ హీరోయిన్.. రెండు భాషల్లోనూ మొత్తం కలిపి సుమారు 40కి పైగా సినిమాలు చేసింది. 2010లో ఇండస్ట్రీలోకి...

Childhood Pic

Ravi Kiran |
Updated on: Apr 05, 2022 | 9:06 AM

తెలుగు, తమిళ భాషల్లో స్టార్ హీరోయిన్.. రెండు భాషల్లోనూ మొత్తం కలిపి సుమారు 40కి పైగా సినిమాలు చేసింది. 2010లో ఇండస్ట్రీలోకి హీరోయిన్‌గా అడుగుపెట్టిన ఆమె.. 12 ఏళ్ల కెరీర్‌లో ఎన్నో ఒడిదుడుకులకు ఎదుర్కుంది. సూపర్ హిట్స్ కూడా అందుకుంది. మొదటి సినిమాతోనే ‘ఏ మాయ చేశావే’ అంటూ ఎంతోమంది ఫ్యాన్స్‌‌కు క్రష్ అయిపోయింది. ప్రతీ సినిమాలోనూ విభిన్నతను చూపిస్తూ.. ఎంతోమంది యువ హీరోయిన్లకు ఆదర్శంగా నిలిచింది. ఈ అందాల భామ సినిమాలతో పాటు సోషల్ సర్వీస్‌లోనూ ముందుంది. ప్రత్యూష ఫౌండేషన్ ద్వారా ఎంతోమంది చిన్నారులను ఆదుకుంది. కరోనా సమయంలోనూ చాలామంది పేదలకు అండగా నిలిచింది. యూత్‌కు ఐకాన్‌గా నిలిచిన ఈ ముద్దుగుమ్మ రీసెంట్‌గా టాలీవుడ్ యువ హీరోతో విడాకులు తీసుకుని.. వరుస సినిమాలతో ప్రస్తుతం బిజీబిజీగా ఉంది. ఎవరో గుర్తుపట్టారా.! ఈపాటికి మీకు అర్ధమై ఉంటుంది. మీరనుకునేదే.. ఆమెవరో కాదు.. టాలీవుడ్ స్టార్ హీరోయిన్ సమంత.

మోడలింగ్‌తో తన కెరీర్‌ను ప్రారంభించిన సమంత.. 2010లో దర్శకుడు గౌతమ్ వాసుదేవ్ మీనన్ తెరకెక్కించిన ‘ఏ మాయ చేశావే’ సినిమాతో సినీ ఇండస్ట్రీలోకి హీరోయిన్‌గా అడుగుపెట్టింది. తొలి సినిమాతో సమంత.. ఎంతోమంది అభిమానుల మనసుల్లో స్థానాన్ని సంపాదించింది. ఆ తర్వాత ‘బృందావనం’, ‘దూకుడు’, ‘ఈగ’, ‘ఎటో వెళ్లిపోయిందే మనసు’, ‘సీతమ్మ వాకిట్లో సిరిమల్లె చెట్టు’, ‘అత్తారింటికి దారేది’, ‘మనం’, ‘కత్తి’, ‘సన్ ఆఫ్ సత్యమూర్తి’, ‘అఆ’, ‘జనతా గ్యారేజ్’, ‘రంగస్థలం’, ‘సూపర్ డీలక్స్’, ‘మజిలి’, ‘ఓ బేబీ’ లాంటి బ్లాక్‌బస్టర్ హిట్స్ సాధించింది.

కాగా, మొదటి సినిమాతోనే నాగచైతన్య, సమంత ప్రేమలో పడ్డారు. వీరిద్దరూ ఏడేళ్ల పాటు డేటింగ్ చేసి.. చివరికి 2017, అక్టోబర్ 6వ తేదీన పెద్దల సమక్షంలో ఒకటయ్యారు. అయితే అనూహ్యంగా నాలుగేళ్ల అనంతరం అక్టోబర్ 2, 2021న ఇద్దరూ విడిపోతున్నట్లు అధికారికంగా ప్రకటించారు. ప్రస్తుతం సమంత నటించిన ‘కాథు వాకుల రెండు కాదల్’, ‘శాకుంతలం’ రిలీజ్ రెడీ అవ్వగా.. ‘యశోదా’ మూవీ షూటింగ్ జరుపుకుంటోంది.