Thaman: ఆమెను నేను జడ్జ్ చేయలేకపోతోన్నాను.. ఆసక్తికర కామెంట్స్ చేసిన మ్యూజిక్ సెన్సేషన్ తమన్..
100 శాతం తెలుగు కంటెంట్ తో ప్రేక్షకులను ఎంటర్టైన్ చేస్తున్న ఏకైక తెలుగు ఓటీటీ ఆహా(Aha). సూపర్ హిట్ సినిమాలతో పాటు, ఆసక్తికర వెబ్ సిరీస్ లు, అదిరిపోయే గేమ్ షోలు, ఆకట్టుకునే టాక్ షోలతో ప్రేక్షకులను ఆకట్టుకుంటుంది ఆహా.
100 శాతం తెలుగు కంటెంట్ తో ప్రేక్షకులను ఎంటర్టైన్ చేస్తున్న ఏకైక తెలుగు ఓటీటీ ఆహా(Aha). సూపర్ హిట్ సినిమాలతో పాటు, ఆసక్తికర వెబ్ సిరీస్ లు, అదిరిపోయే గేమ్ షోలు, ఆకట్టుకునే టాక్ షోలతో ప్రేక్షకులను ఆకట్టుకుంటుంది ఆహా. అలాగే ప్ర‌పంచంలోనే బిగ్గెస్ట్ స్జేజ్ ప్రోగ్రామ్ తెలుగు ఇండియన్ ఐడ‌ల్‌ను ఆహా నిర్వ‌హిస్తోన్న సంగ‌తి తెలిసిందే. ఈ షోకు తమన్ , నిత్యామీనన్, కార్తీక్ జడ్జ్ లుగా వ్యవహరిస్తున్నారు. సంగీత ప్రియుల మధ్య గణనీయమైన ఆదరణ పొందిన ఇండియన్ ఐడల్ తెలుగు షో తుది అంకానికి చేరుకుంది. స్వర మాధుర్యంతో అలరించిన ఐదుగురు ఫైనలిస్టులతో ఓ ప్రోగ్రాంను నిర్వహించారు. ఈ కార్యక్రమంలో మ్యూజిక్ సెన్సేషన్ తమన్(Thaman) మాట్లాడుతూ..
‘ఇలాంటి షోను ఓ టీంగా చేసినందుకు నాకు ఆనందంగా ఉంది. టీంగా మేం గెలిచాం. గత ఆరు నెలలుగా ఈ టీంతో ప్రయాణిస్తూ వచ్చాను అన్నారు. నాకు మాములుగా చాలా సిగ్గు. కానీ నేను ఎలా మారిపోయానో నాకే తెలియడం లేదు. ఆ స్పేస్ క్రియేట్ చేసిచ్చిన అరవింద్ గారికి థ్యాంక్స్. ఆయన నన్ను రెండు విషయాల్లో చాలా మార్చారు. నేను చాలా లో స్టేజ్‌లో ఉన్నప్పుడు సరైనోడు సినిమాను ఇచ్చారు. ఇది నీకు కరెక్ట్ సినిమా అని హోప్ ఇచ్చారు. ఇప్పుడు ఈ ఇండియన్ ఐడిల్ చాన్స్ ఇచ్చారు. ఇప్పుడు ప్రపంచం మొత్తం నాలోని ఇంకో కోణాన్ని చూస్తోంది. చాలా సినిమా ఆఫర్లు వస్తున్నాయి. ఆ క్రెడిట్ అంతా కూడా అరవింద్ గారిదే అన్నారు తమన్. ఆహా కోసం నేను ముందు నుంచి పని చేస్తూనే ఉన్నాను. అల్లు అర్జున్ గారితో నాకు కెరీర్ బ్లాక్ బస్టర్ హిట్స్ ఉన్నాయి. రేసుగుర్రం, సరైనోడు, అల వైకుంఠపురములో వంటి సినిమాలున్నాయి. నాకు ఈ అవకాశం ఇచ్చిన అరవింద్ గారికి థ్యాంక్స్.
జీవితంలో నాకు ఈ కాన్ఫిడెన్స్ ఇచ్చినందుకు థ్యాంక్స్. షోను అలా సరదాగా నడిపించిన శ్రీరామచంద్రకు థ్యాంక్స్. కార్తిక్ 8 వేల పాటలు పాడారని అంటారు. అవి బయటకు వచ్చినవి మాత్రమే. నలభై వేల స్క్రాచెస్ చేశారు. లక్షకు పైగా ప్రోగ్రాంలు ఇచ్చి ఉంటారు. గత 22 ఏళ్లుగా మేం స్నేహితులం. బాయ్స్ సినిమా అప్పటి నుంచి మాకు పరిచయం ఉంది. ఆయన తన కష్టంతోనే పైకి వచ్చారు. నిత్యా మీనన్ అద్భుతమైన పర్ఫార్మర్. షో మొత్తాన్ని జడ్జ్ చేయగలుగుతున్నా కానీ నిత్యాను జడ్జ్ చేయలేకపోతోన్నాను. 55 మంది సింగర్ల నుంచి 9 మంది.. 9 మంది నుంచి ఈ రోజు 5 మంది వరకు వచ్చారు. ఫ్రీమాంటల్ ఆహాలకు థ్యాంక్స్’అని తమన్ అన్నారు.
మరిన్ని సినిమా వార్తలు కోసం ఇక్కడ క్లిక్ చేయండి .
