Varasudu : సెన్సార్ పూర్తి చేసుకున్న విజయ్ వారసుడు.. రన్ టైం ఎంతంటే
టాలీవుడ్ బడా ప్రొడ్యూసర్ దిల్ రాజు ఈ సినిమాను భారీ బడ్జెట్ తో నిర్మించారు. ఈ సినిమాలో విజయ్ సరసన రష్మిక మందన్న హీరోయిన్ గా నటిస్తోంది.
Updated on: Jan 10, 2023 | 8:32 AM
దళపతి విజయ్ నటిస్తోన్న లేటెస్ట్ మూవీ వారిసు. ఈ సినిమాను తెలుగులో వారసుడు అనే టైటిల్ తో రిలీజ్ చేయనున్నారు. టాలీవుడ్ సక్సెస్ ఫుల్ దర్శకుడు వంశీ పైడిపల్లి ఈ సినిమాను తెరకెక్కిస్తున్నాడు. టాలీవుడ్ బడా ప్రొడ్యూసర్ దిల్ రాజు ఈ సినిమాను భారీ బడ్జెట్ తో నిర్మించారు. ఈ సినిమాలో విజయ్ సరసన రష్మిక మందన్న హీరోయిన్ గా నటిస్తోంది. ఇప్పటికే విడుదలైన ఈ సినిమా పాటలు, టీజర్, ట్రైలర్ కు మంచి రెస్పాన్స్ వచ్చింది. ఈ మూవీని కంప్లీట్ ఫ్యామిలీ ఎంటర్టైనర్ గా తెరకెక్కించారు దర్శకుడు వంశీ పైడిపల్లి. శ్రీ వేంకటేశ్వర క్రియేషన్స్, పివిపి సినిమా పతాకాలపై ప్రముఖ నిర్మాతలు దిల్ రాజు, శిరీష్, పరమ్ వి పొట్లూరి, పెరల్ వి పొట్లూరి ప్రతిష్టాత్మకంగా నిర్మిస్తున్న ఈ చిత్రం సెన్సార్ కార్యక్రమాలు పూర్తి చేసుకుంది.
వారసుడు ఒక పర్ఫెక్ట్ ఫ్యామిలీ ఎంటర్టైనర్. క్లీన్ యు సర్టిఫికేట్.. ఈ సినిమాను కుటుంబ సభ్యులందరితో కలిసి హాయిగా చూడవచ్చని సెన్సార్ సభ్యులు తెలిపారు. అలాగే ఈ సినిమా రన్ టైం 2 గంటల50 నిముషాలు ఉండనుంది. వారసుడు థియేట్రికల్ ట్రైలర్‌కు అద్భుతమైన స్పందన వచ్చింది. ఎస్ థమన్ అందించిన పాటలు కూడా సూపర్ హిట్ అయ్యాయి.
ఈ సినిమాపై మంచి అంచనాలు ఉన్నాయి. ప్రభు, శరత్ కుమార్, ప్రకాష్ రాజ్, జయసుధ, శ్రీకాంత్, షామ్, యోగి బాబు, సంగీత, సంయుక్త ముఖ్య పాత్రల్లో కనిపించనున్నారు. ఈ చిత్రానికి వంశీ పైడిపల్లితో పాటు హరి, అహిషోర్‌ సాల్మన్‌ కథ అందించారు. కార్తీక్ పళని ఛాయాగ్రాహకుడిగా, కెఎల్ ప్రవీణ్ ఎడిటర్ గా పని చేస్తున్నారు. శ్రీ హర్షిత్ రెడ్డి, శ్రీ హన్షిత ఈ చిత్రానికి సహ నిర్మాతలు. సునీల్ బాబు, వైష్ణవి రెడ్డి ప్రొడక్షన్ డిజైనర్లుగా పని చేస్తున్నారు. ఇక ఈ సినిమాను తమిళ్ లో ఈ నెల 11న విడుదల చేస్తుండగా.. తెలుగులో 14న రిలీజ్ చేయనున్నారు. సంక్రాంతికి పెద్ద సినిమాల పోటీ ఉండటంతో తెలుగులో ఈ సినిమా రిలీజ్ విషయంలో దిల్ రాజు వెనక్కి తగ్గారు.
