Sreeleela: గుంటూరు కారం నుంచి శ్రీలీల లుక్.. అచ్చం పక్కింటి అమ్మాయిలా మెరిసిన భామ

Sreeleela

సూపర్ స్టార్ మహేష్ బాబు నటిస్తున్న గుంటూరు కారం సినిమా కోసం మహేష్ అభిమానులు వేయి కళ్ళతో ఎదురుచూస్తున్నారు. త్రివిక్రమ్ దర్శకత్వంలో మహేష్ బాబు చేస్తున్న హ్యాట్రిక్ మూవీ ఇది. అతడు, ఖలేజా లాంటి సినిమాల తర్వాత ఈ కాంబోలో వస్తున్న సినిమా కాబట్టి ఈ మూవీ పై భారీ అంచనాలు నెలకొన్నాయి. ఇక ఈ సినిమా నుంచి విడుదలైన గ్లింమ్స్ సినిమా పై భారీ అంచనాలను క్రియేట్ చేసింది. గుంటూరు కారం అనే పవర్ ఫుల్ టైటిల్ తో తెరకెక్కుతోన్న ఈ సినిమాలో పూజాహెగ్డే హీరోయిన్ గా నటిస్తుంది. అలాగే లేటెస్ట్ సెన్సేషన్ శ్రీలీలమరో హీరోయిన్ గా నటిస్తోంది. తాజాగా శ్రీలీల పుట్టిన రోజు సందర్భంగా ఆమె లుక్ ను రిలీజ్ చేశారు మేకర్స్.

శ్రీలీలకు పుట్టిన రోజు శుభాకాంక్షలు తెలుపుతూ ఆమె లుక్ ను రిలీజ్ చేశారు. ఈ పోస్టర్ లో శ్రీలీల మరింత అందంగా కనిపిస్తోంది. లంగాఓణిలో కాలి వేళ్ళకు నెయిల్ పాలిష్ వేసుకుంటూ కనిపించింది శ్రీలీల. ఈ పోస్టర్ లో అమ్మడు చాలా ముద్దుగా పక్కింటి అమ్మాయిలా ఉంది.

ఈ సినిమాతో పాటు శ్రీలీల వరుసగా సినిమాలు చేస్తూ దూసుకుపోతోంది. నితిన్, వైష్ణవ్ తేజ్ లాంటి యంగ్ హీరోలతో పాటు బాలకృష్ణ లాంటి సీనియర్ హీరోల సినిమాల్లోనూ నటిస్తోంది. బాలయ్య, అనిల్ రావిపూడి కాంబినేషన్ లో వస్తోన్న భగవంత్ కేసరి సినిమాలో కీలక పాత్రలో కనిపిస్తోంది శ్రీలీల. ఇక గుంటూరు కారం సినిమా ఆగస్టు లో రిలీజ్ చేసేందుకు సన్నాహాలు చేస్తున్నారు.