Sonu Sood: సోనూసూద్‌కి షాక్‌ ఇచ్చిన ఫ్యాన్‌.. దీని బదులు ఆ పని చేసి ఉంటే ఇంకా సంతోషించేవాడినన్న రియల్ హీరో
సిల్వర్‌ స్ర్కీన్‌పై విలన్‌ వేషాలు వేసినా నిజజీవితంలో మాత్రం రియల్ హీరోగా గుర్తింపు తెచ్చుకున్నాడు నటుడు సోనూసూద్‌ (Sonu Sood). కరోనా కాలంలో అడిగిందే తడవుగా ఎంతోమందికి ఆపన్న హస్తం అందించాడీ ట్యాలెంటెడ్‌ యాక్టర్‌.
సిల్వర్‌ స్ర్కీన్‌పై విలన్‌ వేషాలు వేసినా నిజజీవితంలో మాత్రం రియల్ హీరోగా గుర్తింపు తెచ్చుకున్నాడు నటుడు సోనూసూద్‌ (Sonu Sood). కరోనా కాలంలో అడిగిందే తడవుగా ఎంతోమందికి ఆపన్న హస్తం అందించాడీ ట్యాలెంటెడ్‌ యాక్టర్‌. ఓవైపు సినిమాల్లో నటిస్తూనే మరోవైపు ఫౌండేషన్‌ ఆధ్వర్యంలో పలు సేవా కార్యక్రమాలు నిర్వహిస్తున్నాడు సోనూసూద్‌. అందుకే అతనికి దేశ వ్యాప్తంగా ఎంతో మంది అభిమానులు తోడయ్యారు. ఈనేపథ్యంలో చాలామంది ఫ్యాన్స్ సోనూను కలిసేందుకు నడుచుకుంటూ అతని నివాసానికి వచ్చిన సంగతి తెలిసిందే. తాజాగా మధు గుర్జార్‌ అనే అభిమాని సోనూసూద్‌పై తన అభిమానాన్ని వినూత్నంగా చాటుకున్నాడు.
రక్తాన్ని వృథా చేయద్దు.. తన రక్తంతో రియల్ హీరో పెయింటింగ్‌ వేసిన మధు ఆయనకే గిఫ్ట్‌గా ఇచ్చాడు. కాగా అభిమాని చేసిన పనికి షాక్‌ అయ్యాడు సోనూసూద్‌. రక్తంతో తన బొమ్మను గీయడం కంటే రక్తదానం చేసి ఉంటే ఇంకా సంతోషించేవాడినని చెప్పుకొచ్చాడు. కాగా దీనికి సంబంధించిన వీడియోను ట్విట్టర్‌లో షేర్‌ చేస్తూ ‘రక్తం వృథా చేయకుండా దానం చేయాలని ‘ ఫ్యాన్స్‌ను కోరాడు. ఇక సినిమాల విషయానికొస్తే.. తెలుగులో ఆచార్య సినిమాలో చివరిగా కనిపించాడు సోనూసూద్‌. ఆతర్వాత చాంద్‌ బార్దాయ్‌ అనే చిత్రంలో కనిపించాడు. ప్రస్తుతం తమిళ్‌తో పాటు మరికొన్ని భాషల్లో సినిమాలు చేస్తున్నాడు.
प्रताबगढ के श्री माधु जी गुर्जर ने लाखो लोगो की मदद करने वाले @SonuSood जी से मुलाकात कर उनके निवास पर मित्रों संग खून से बनी हुई पेंटिंग भेंट की बहुत बहुत बधाई आपको@SonuSood @ArtMadhu pic.twitter.com/cvpUay7yKK
— Rajaram Gurjar (@BjpRajaram99) September 9, 2022
మరిన్ని సినిమా వార్తల కోసం క్లిక్ చేయండి..
