Shilpa Shetty: మహేష్ బాబు- త్రివిక్రమ్ సినిమాలో సాగరకన్య.. కీలక పాత్రకోసం బాలీవుడ్ భామ..

Shilpa Shetty : మహేష్ త్రివిక్రమ్ కాంబినేషన్‌లో రాబోయే సినిమాలోకి ఓ బాలీవుడ్ భామ వచ్చి చేరబోతోంది. తెలుగు ప్రేక్షకులకు బాగా సుపరిచితం అయిన ఈ సీనియర్‌ భామ ఇప్పుడు మళ్లీ బాబు పక్కన పోటాపోటీగా నటించబోతోంది. ఇంతకీ ఆ నటి ఎవరని అనుకుంటున్నరా.. అసలు విషయం ఏంటంటే..”సాహస వీరుడు సాగర కన్య” ఈ సినిమా గుర్తుందా.. తన యాక్టింగ్‌తో.. అందచందాలతో.. ఆ సినిమాలో అందర్నీ ఆకట్టుకున్న శిల్పాశెట్టే.. ఇప్పుడు మహేష్‌ సినిమాలో ఓ కీలక రోల్లో నటించబోతోంది.

తన ప్రతీ సినిమాలో ఏదో ఒక సీనియర్‌ హీరోయిన్‌ను తీసుకువచ్చి ఇంపార్టెంట్ రోల్ ఇచ్చే త్రివిక్రమ్‌ .. ఈ సారి మహేష్ తో తీయబోయే సినిమాలోకి శిల్పాశెట్టిని తీసుకుందామని అనుకున్నారట. ఇప్పటికే ఆయన సినిమాల్లో నదియా .. ఖుష్బూ .. దేవయాని .. టబూ  .. స్నేహా కనిపించారు. కథలో కీలకంగా ఉండే ఓ క్యారెక్టర్‌కు సాగర కన్య అయితేనే బాగుంటుందని మాటల మాంత్రికుడు బలంగా ఫిక్స్‌ అయ్యారట. అందుకు తగ్గట్టే ఆ క్యారెక్టర్ మోడ్రన్‌గా.. హీరోను ఢీకొట్టే విధంగా ఉంటుందట. ఇక ఇప్పటికే ఈ విషయాన్ని శిల్ప కు ఫోన్ చేసి కూడా చెప్పారట త్రివిక్రమ్. అందుకు ఆమె ఓకే కూడా చెప్పిందని ఇండస్ట్రీలో గుసగుసలు వినిపిస్తున్నాయి. తెలుగులో హీరోయిన్ గా కొన్ని సినిమాల్లో అలరించిన శిల్పా శెట్టి, ఆ తరువాత బాలీవుడ్ సినిమాలకే పరిమితమైంది. త్రివిక్రమ్ సినిమాతో మళ్లీ ఇంతకాలానికి ఆమె తెలుగులోకి రీ ఎంట్రీ ఇవ్వనుందని టాక్ నడుస్తుంది.

మరిన్ని ఇక్కడ చదవండి :

Akhil Akkineni : అఖిల్ కోసం రంగంలోకి మెగాస్టార్ డైరెక్టర్.. భారీగా ప్లాన్ చేస్తున్న నాగార్జున..

Mickey Mouse: టాప్ కార్టూన్ క్యారెక్టర్ మిక్కీ మౌస్  మొదట పేరు ఏమిటో తెలుసా? అసలు మిక్కీ మౌస్ ఎలా తెరమీదకు వచ్చిందంటే..

Trivikram Srinivas: మహేష్ సినిమాకోసం మరోఅక్కినేని హీరోను తీసుకోనున్న మాటల మాంత్రికుడు..