Puneeth Rajkumar Death: చనిపోయినా ప్రపంచాన్ని చూడనున్న పునీత్ కళ్ళు.. నేత్రదానం చేసిన పవర్ స్టార్

Puneeth Rajkumar Death: సినిమా ఇండస్టీ ఒక్కసారిగా దిగ్బ్రాంతికి గురైంది.. కన్నడ పరిశ్రమ కన్నీరు పెట్టింది. అభిమానుల గుండెలు బరువెక్కాయి.. కన్నడ పవర్ స్టార్ పునీత్ రాజ్ కుమార్ హఠాన్మరణ వార్త సినీ ప్రేక్షకులను విషాదంలోకి నెట్టింది. ఈ రోజు( శుక్రవారం ) ఉదయం తీవ్ర అస్వస్థతకు గురైన పునీత్.. ఆసుపత్రిలో చికిత్స పొందుతూ తుది శ్వాస విడిచారు. తన  ఇంట్లోని జిమ్ లో వర్కవుట్ చేస్తున్న సమయంలో పునీత్ కు గుండెపోటు రావడంతో ఒక్కసారిగా కుప్పకూలిపోయారు. వెంటనే కుటుంబ సభ్యులు ఆయనను బెంగళూరులోని విక్రమ్ ఆస్పత్రికి తరలించారు. వైద్యులు చికిత్స చేసే ప్రయత్నం చేసిన ఫలితం లేకుండాపోయింది. వైద్యులు పునీత్ ను  ఐసీయూలో ఉంచి చికిత్స అందించారు.. కానీ పరిస్థితి విషమించడంతో  పునీత్ కన్నుమూశారు. పునీత్ చనిపోయిన ఆయన కళ్ళు ఈ ప్రపంచాన్ని చూడనున్నాయి. పునీత్ రాజ్ కుమార్ ఆయన కళ్ళను దానం చేశారు. పునీత్ కళ్లను దానం చేయనున్నట్టు ఆయన కుటుంబీకులు తెలిపారు. గతంలో పునీత్ తండ్రి కన్నడ కంఠీరవ రాజ్ కుమార్ చనిపోయినప్పుడు కూడా ఆయన కళ్లను మరొకరి కోసం   దానం చేశారు.

పునీత్ మరణవార్తతో కన్నడ సినీ పరిశ్రమ తీవ్ర దిగ్ర్భాంతి వ్యక్తం చేసింది. పలువురు సినీ ప్రముఖులు పునీత్ మృతి పట్ల సినీ ప్రముఖులు సంతాపం వ్యక్తం చేస్తూ.. ఆయన కుటుంబానికి ప్రగాఢ సానుభూతి తెలిపారు. పునీత్ రాజ్ కుమార్ మృతి కర్ణాటక రాష్ట్ర వ్యాప్తంగా హై అలర్ట్ ప్రకటించారు.. ఇప్పటికే కర్ణాటకలో థియేటర్స్ మూతపడ్డాయి. పునీత్ డెడ్‌ బాడీని ఫ్యాన్స్‌ సందర్శనార్ధం కంఠీరవ స్టేడియంకు తరలించేందుకు ముందుగానే రోడ్‌ను పోలీసులు తమ ఆధీనంలోకి తీసుకున్నారు. భారీగా తరలి వచ్చిన ఫ్యాన్స్‌ను అదుపు చేసేందుకు పోలీసులు తీవ్రంగా శ్రమించారు. పునీత్ అంత్యక్రియలు రేపు (శనివారం ) నిర్వహించనున్నారు. పునీత్ డెడ్‌ బాడీని అంబులెన్స్ ద్వారా కొద్దిసేపటి క్రితమే కంఠీరవ స్టేడియంకు తీసుకువచ్చారు. పునీత్ డెడ్ బాడీనీ చూసి కేజీఎఫ్ హీరో యాశ్ కనీటిపర్యంతం అయ్యారు. ఇటీవల జరిగిన భజరంగి 2 ప్రీరిలీజ్ ఈవెంట్ లో పునీత్ తో కలిసి యశ్ స్టేజ్ పై సందడి చేశారు. ఇంతలోనే ఈ దుర్ఘటన జరిగింది.

మరిన్ని ఇక్కడ చదవండి : 

Puneeth Rajkumar: కన్నడ స్టార్ హీరో పునీత్ రాజ్‌కుమార్ చివరి ట్వీట్ ఇదే…

Puneeth Rajkumar Death: “ఈ వార్త నిజం కాకూడదు”.. పునీత్ రాజ్ కుమార్ మృతికి సంతాపం తెలుపుతున్న సినీప్రముఖులు..

Rajinikanth Health Bulletin: సూపర్‌ స్టార్ రజినీకాంత్‌ ఆరోగ్య పరిస్థితిపై హెల్త్‌ బులెటిన్ విడుదల..