Samantha: మన కంట్రోల్లో ఏమి ఉండదు.. భవిష్యత్తులో ఏం చేస్తానో కూడా చెప్పను.. సమంత షాకింగ్ కామెంట్స్..
తన జీవితంలో తీసుకోబోయే పెద్ద నిర్ణయాల గురించి చెప్పనంటుంది సమంత. లైఫ్ లో జరిగే ప్రతిదీ మన చేతుల్లో ఉండదని.. జీవితమే డిసైడ్ చేస్తుందని ఆసక్తికర కామెంట్స్ చేసింది సామ్.
Updated on: Nov 08, 2022 | 12:01 PM
కొన్ని రోజులుగా మీడియాకు దూరంగా ఉన్న సమంత ప్రస్తుతం యశోద ప్రమోషన్లో పాల్గోంటుంది. ఓవైపు మయోసైటిస్ సమస్యతో బాధపడుతూనే ఈ సినిమా కోసం ప్రత్యేక ఇంటర్వ్యూలు ఇస్తుంది. తాజాగా యాంకర్ సుమతో జరిగిన ఇంటర్వ్యూలో సామ్ తన కెరీర్.. లైఫ్.. హెల్త్ గురించి చెబుతూ భావోద్వేగానికి గురయ్యింది. లైఫ్ లో కొన్ని మంచి రోజులు .. మరికొన్ని చెడ్డ రోజులు వస్తాయని.. వెనక్కి తిరిగి చూసుకుంటే ఇంకొక్క అడుగు కూడా ముందుకు వేయలేనేమోనని అనిపించిందని.. అయినా ఒక్క సారి వెనుతిరిగి చూస్తే ఇంత దాకా వచ్చానా అనిపిస్తోంది అంటూ కన్నీళ్లు పెట్టుకుంది.
ఈ క్రమంలోనే ప్రస్తుతం ఏవైనా పెద్ద నిర్ణయాలు తీసుకున్నారా ? అని అడగ్గా.. ప్రస్తుతం తాను ఈ వ్యాధి నుంచి బయటపడాలనుకుంటున్నాని తెలిపింది. మన కంట్రోల్లో ఏమి ఉండదని.. నేను భవిష్యత్తులో ఎలాంటి నిర్ణయాలు తీసుకుంటాను.. డ్రీమ్ ఏంటీ అనేది నేను ఆలోచించడం లేదు. లైఫ్ డిసైడ్ చేస్తుందని చెప్పుకొచ్చింది.
డైరెక్టర్స్ హరి, హరీష్ దర్శకత్వం వహించిన యశోద సినిమా నవంబర్ 11న ప్రేక్షకుల ముందుకు రాబోతుంది. సరోగసి నేపథ్యంలో రాబోతున్న ఈ మూవీలో సామ్ గర్భవతిగా కనిపించనుంది. ఇందులో వరలక్ష్మి శరత్ కుమార్, ఉన్ని ముకుందన్ కీలకపాత్రలో కనిపించారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
