Samantha: సమంతకు పెళ్లి ప్రపోజల్.. ‘ఆల్మోస్ట్ కన్విన్స్‌డ్‌’ అంటూ షాకింగ్ రిప్లై ఇచ్చిన స్టార్ హీరోయిన్

Samantha

టాలీవుడ్ యువ సామ్రాట్ అక్కినేని నాగ చైతన్య మళ్లీ వైవాహిక బంధంలోకి అడుగు పెడుతున్నాడు. ఇటీవలే ప్రముఖ హీరోయిన్ శోభిత ధూళిపాళతో అతని నిశ్చితార్థం గ్రాండ్ గా జరిగింది. కింగ్ నాగార్జున ఎంగేజ్ మెంట్ ఫొటోలను ట్విట్టర్ లో షేర్ చేసిన కాబోయే జంటను ఆశీర్వదించాలని అందరినీ కోరారు. త్వరలోనే నాగ చైతన్య, శోభిత మూడు ముళ్ల బంధంలోకి అడుగు పెట్టనున్నారు. కాగా ఈ వార్త సమంత అభిమానులకు ఒక రకంగా ఇచ్చిందనే చెప్పుకోవచ్చు. ఎప్పుడైనా నాగ చైతన్య, సమంత కలిసిపోతారని అనకున్న వారంతా చైతూ- శోభితల ఎంగేజ్ మెంట్ విషయం తెలిసి ఆశ్చర్యానికి లోనయ్యారు. నాగ చైతన్య – శోభిత నిశ్చితార్థం జరిగిన తర్వాత సోషల్ మీడియాలో మీమ్స్ కూడా హోరెత్తిపోయాయి. అందులో ఒక వీడియో మాత్రం సమంత మనసును దోచింది. ముఖేష్ అనే అభిమాని సమంతపై తనకున్న ప్రేమను వ్యక్త పరుస్తూ ఒక రీల్ చేసి పోస్ట్ చేశారు. ‘సమంతా.. నువ్వు బాధ పడాల్సిన అవసరం అస్సలు లేదు. నీకు నేనున్నాను. నువ్వు నేను క‌లిస్తే ఒక మంచి జంట అవుతుంది. నువ్వు ఓకే అంటే పెళ్లి చేసుకోవ‌డానికి రెడీగా ఉన్నాను. నాకోక 2 ఇయ‌ర్స్ టైం ఇవ్వు దండిగా డ‌బ్బులు సంపాదిందించి నీ ద‌గ్గ‌రికి వ‌స్తాను. అప్పటివ‌రకు నా గుర్తుగా ఈ పువ్వు అదే నా హార్ట్‌ను ఉంచుకో’ అని అందులో చెప్పుకొచ్చాడు సదరు సోషల్ మీడియా ఇన్ ఫ్లుయెన్సర్.

ముఖేష్ రీల్ కు సమంత కూడా వెంటనే స్పందించింది. ‘నేను ఆల్మోస్ట్ కన్విన్స్ అయ్యాను.. రీల్ కన్నా నీ బ్యాగ్రౌండ్ లో ఉన్న జిమ్ నన్ను బాగా ఆకట్టుకుంది’ అని కామెంట్ చేసింది. దీంతో ముఖేష్ ఆనందానికి హద్దుల్లేవు. సమంతను ట్యాగ్ చేస్తూ మళ్లీ పోస్ట్ చేశాడు. ‘సమంత ఇచ్చిన రిప్లై నా రోజును పూర్తిగా మార్చేసింది. సమంతకు వెయ్యి మంది ఫ్యాన్స్ ఉంటే అందులో నేను కూడా ఒకడిని. అదే ఒక్కరే అభిమాని అంటే అది నేనే. సమంతకు ఎవరూ అభిమానులు లేరంటే భూమి మీద నేను కూడా లేనట్లే’ అని సామ్ పై ప్రేమను కురిపించాడు ముశేష్. ప్రస్తుతం ఈ పోస్ట్ సామాజిక మాధ్యమాల్లో బాగా వైరలైంది.

సమంతను ఆకట్టుకున్న ముఖేష్ రీల్ ఇదే..

మరిన్ని సినిమా వార్తల కోసం క్లిక్ చేయండి..