Samantha: ఈగోను అక్కడే వదిలేసి రండి.. ఇది కొత్త ఆరంభం.. సమంత లేటేస్ట్ పోస్ట్ వైరల్..

సమంత ప్రస్తుతం తన కెరీర్ పై దృష్టి పెట్టింది. తనవరకు వచ్చిన ప్రాజెక్ట్స్‏కు గ్రీన్ సిగ్నల్ ఇచ్చేస్తూ బిజీ షెడ్యూల్ గడిపేయడానికి సిద్ధమైంది.

Rajitha Chanti |
Updated on: Jan 22, 2022 | 10:25 AM

సమంత ప్రస్తుతం తన కెరీర్ పై దృష్టి పెట్టింది. తనవరకు వచ్చిన ప్రాజెక్ట్స్‏కు గ్రీన్ సిగ్నల్ ఇచ్చేస్తూ బిజీ షెడ్యూల్ గడిపేయడానికి సిద్ధమైంది. ఇటీవలే అల్లు అర్జున్.. సుకుమార్ కాంబోలో వచ్చిన పుష్ప సినిమాలో మొదటి సారి స్పెషల్ సాంగ్ చేసి అదరగొట్టింది సామ్. ఈ పాట యూట్యూబ్‏లో రికార్డ్స్ క్రియేట్ చేసింది. ఇక ఇప్పటికే శాకుంతలం సినిమా పూర్తిచేసిన సామ్… ఇప్పుడు యశోద మూవీ చేస్తుంది. మరోవైపు బాలీవుడ్, హాలీవుడ్ ఇండస్ట్రీలలో కూడా సామ్ మూవీస్ చేయబోతున్నట్లు టాక్ వినిపిస్తున్న సంగతి తెలిసిందే. ఇదిలా ఉంటే.. సమంత ప్రస్తుతం స్విట్జర్లాండ్ టూర్ ఎంజాయ్ చేస్తుంది. అయితే అక్కడికి ఎందుకు వెళ్లింది అనేది మాత్రం తెలీదు కానీ.. అక్కడ సామ్ చేస్తున్న ఫోటోషూట్స్, వీడియోస్ తెగ వైరల్ అవుతున్నాయి.

మంచు కొండల్లో సమంత కొత్త కొత్త విన్యాసాలు నేర్చుకుంటోంది. తాజాగా సమంత స్విస్‏లో స్వింగ్ అనే ఆటను ఆడుతోంది. మంచు రహదారిలో అలా దూసుకుపోతుంది. స్కేటింగ్ చేసినట్టుగా సమంత వీడియోను షేర్ చేస్తూ.. ఈగోను ఇంటివద్దే వదిలేసి రండి.. అంటూ వారు చెప్పారు. ఎంత కరెక్ట్‏గా చెప్పారో కదా ? అంటూ సమంత షేర్ చేసింది. ఇక న్యూ బిగినింగ్స్ స్టార్ట్ అంటూ స్కింగ్ హ్యాష్‏ట్యాగులతో సమంత షేర్ చేసిన వీడియో ఇప్పుడు తెగ వైరల్ అవుతుంది. ఇదిలా ఉంటే.. సమంత తన ఇన్ స్టా నుంచి చైతూతో విడాకుల ప్రకటనను డెలీట్ చేసంది. దీంతో వీరిద్దరూ మళ్లీ కలవబోతున్నారా అనే సందేహాలు వ్యక్తం చేస్తున్నారు అభిమానులు.