Saaho: అమెరికా బాక్సాఫీస్ కలెక్షన్స్ రిపోర్ట్..ఏంటి డార్లింగ్ ఇది?

ఆగస్టు 30.. ఈరోజు కోసం యంగ్‌ రెబల్‌ స్టార్‌ ఫ్యాన్స్‌తోపాటు సినీప్రేక్షకులు కూడా ఎంతగానో ఎదురుచూశారు. ఎందుకంటే ఈ రోజు ప్రపంచవ్యాప్తంగా ‘సాహో’ చిత్రం విడుదలైంది. భారీ అంచనాల మధ్య ప్రేక్షకుల ముందుకు వచ్చిన ఈ చిత్రం డివైడ్ టాక్ తెచ్చుకుంది. అమెరికా బాక్సాఫీస్ నుంచి లేటెస్ట్‌గా కలెక్షన్స్ రిపోర్ట్స్ వచ్చాయి.

యూఎస్‌లో తొలిరోజు అంటే గురువారం  అమెరికా బాక్సాఫీస్ వద్ద ‘సాహో’ 8,20,000 డాలర్ల వసూళ్లను మాత్రమే అందుకోగలిగింది. వీటిని మన కరెన్సీలో చెప్పాల్సి వస్తే దాదాపు రూ.5.8 కోట్లు. ఈ కలెక్షన్లు డార్లింగ్ ప్రభాస్ రేంజ్‌కు చాలా తక్కువనే చెప్పాలి. తెలుగు రాష్ట్రాల్లో మాత్రం ఓపెనింగ్స్ అదిరిపోతున్నాయి. రెండేళ్ల తర్వాత  ప్రభాస్‌ను వెండితెరపై చూసేందుకు ఫ్యాన్స్ ఎగబడి థియేటర్స్‌కు వెళ్తున్నారు.