My Name Is Shruthi: ఇలాంటి సినిమా నేనెప్పుడూ చేయలేదంటున్న బ్యూటీ.. ఆసక్తికరంగా హన్సిక సినిమా
దేశముదురు సినిమాతో పరిచయమైన చిన్నది హన్సిక. తొలి సినిమాతోనే క్యూట్ లుక్స్ తో కుర్రాళ్ళ గుండెల్ని కొల్లగొట్టింది ఈ భామ.
Hansika Motwani: దేశముదురు సినిమాతో పరిచయమైన చిన్నది హన్సిక(Hansika). తొలి సినిమాతోనే క్యూట్ లుక్స్ తో కుర్రాళ్ళ గుండెల్ని కొల్లగొట్టింది ఈ భామ. దేశముదురు(Desamuduru )సినిమా తర్వాత వరుసగా తెలుగులో అవకాశాలు అందుకుంది ఈ బ్యూటీ. తెలుగుతోపాటు తమిళ్ లోనూ ఈ వయ్యారి అవకాశాలు అందుకుంది. అయితే ఈ మధ్య కాలంలో హన్సిక జోరు తగ్గిందనే చెప్పాలి. కమర్షియల్ మూవీస్ తో పాటు లేడీ ఓరియెంటెడ్ సినిమాలు కూడా చేసింది. తాజాగా ఓ ఇంట్రస్టింగ్ సినిమాతో రాబోతుంది హన్సిక. ఇండియన్ స్క్రీన్‌పై ఇప్పటి వరకు రానటువంటి ఓ వైవిధ్యమైన కాన్సెప్ట్‌తో, భిన్నమైన నేపథ్యంలో రూపొందుతున్న చిత్రం ‘మై నేమ్‌ ఈజ్‌ శృతి’. మనిషి చర్మం వలిచి బిజినెస్ చేసే ఓ గ్యాంగ్‌తో ఓ యువతి చేసే పోరాటమే ఈ సినిమా కథ. ఈ సినిమాకు శ్రీనివాస్‌ ఓంకార్‌.
ఈమూవీలో హాన్సిక టైటిల్‌ రోల్‌ పోషిస్తుంది. ఇటీవల విడుదలైన టీజర్‌లో చర్మం వలిచి బిజినెస్ చేస్తానమంటున్నారు ఏం చేయాలి వాళ్లను అంటూ కథానాయిక హాన్సిక చెప్పే డైలాగ్‌తో సినిమాపై క్యూరియాసిటీ పెరిగింది. లేడి ఓరియెంటెడ్ చిత్రంగా తెరకెక్కుతున్న ఈ చిత్రాన్ని వైష్ణవి ఆర్ట్స్ పతాకంపై బురుగు రమ్య ప్రభాకర్ నిర్మిస్తున్నారు. ఇటీవల తెలుగులో విడుదలైన టీజర్ మంచి స్పందన వచ్చింది. తాజాగా ఈ సినిమానుంచి ‘రెప్పే వేసేలోగా మారిందేమో నా రాత.. తప్పే చేసే లాగా ముప్పే వచ్చే నా వెంట’ అంటూ కొనసాగే టైటిల్‌ లిరికల్‌ వీడియోను విడుదల చేశారు. మార్క్‌రాబీన్‌ సంగీత దర్శకత్వంలో కృష్ణకాంత్‌ (కెకె) సాహిత్యం అందించిన ఈ పాటను హారిక నారాయణ ఆలపించారు. ఈ సందర్భంగా కథానాయిక హాన్సిక మాట్లాడుతూ..ఈ మూవీలో నటించినందుకు ఎంతో ఆనందంగా వుంది. ఇలాంటి ఓ ఇంటెన్స్‌ స్టోరీని నేను ఎప్పుడూ చేయలేదు. సినిమాలో వుండే ట్విస్ట్‌లు అందరిని ఆశ్చర్యపరుస్తాయి. ఈ మూవీలో ఈ పాట టైటిల్‌ సాంగ్‌గా వస్తుంది. తప్పకుండా ఈ సాంగ్‌తో పాటు సినిమా కూడా అందర్ని అలరిస్తుందనే నమ్మకం వుంది’ అన్నారు. త్వరలోనే ఈ సినిమాను ప్రేక్షకుల ముందుకు తీసుకురానున్నారు.
మరిన్ని ఇక్కడ చదవండి :
Raashi Khanna: బొద్దుగా ఉన్నందుకు అలా వెటకారంగా పిలిచేవారు.. బాడీ షేమింగ్‌ ట్రోలింగ్‌ను గుర్తు చేసుకున్న రాశి..
Viral Video: ఇదేం ఫాలోయింగ్‌ రా బాబూ!.. గులాబీ పూలతో ఆ హీరో వెంటపడిన అమ్మాయిలు.. నెట్టింట్లో వైరల్‌ వీడియో..
Chiranjeevi: జాతీయ సాంస్కృతిక మహోత్సవాల సక్సెస్‌కు మెగాస్టార్‌ పిలుపు.. ఉత్సవాలు ఎప్పటినుంచంటే..
