Megastar Chiranjeevi: మెగాస్టార్ మూవీ షూటింగ్లో జాయిన్ అయిన మాస్ రాజా
మెగాస్టార్ చిరంజీవి ప్రస్తుతం బ్యాక్ టు బ్యాక్ సినిమాలతో ఫుల్ బిజీగా ఉన్నారు. ఇటీవలే ఆచార్య సినిమాతో ప్రేక్షకుల ముందుకు వచ్చారు చిరు.
Updated on: Jul 15, 2022 | 7:26 AM
మెగాస్టార్ చిరంజీవి(Megastar Chiranjeevi)ప్రస్తుతం బ్యాక్ టు బ్యాక్ సినిమాలతో ఫుల్ బిజీగా ఉన్నారు. ఇటీవలే ఆచార్య సినిమాతో ప్రేక్షకుల ముందుకు వచ్చారు చిరు. కొరటాల శివ దర్శకత్వం వహించిన ఈ సినిమాలో మెగా పవర్ స్టార్ రామ్ చరణ్ కూడా నటించిన విషయం తెలిసిందే. ప్రస్తుతం చిరంజీవి మోహన్ రాజా దర్శకత్వంలో గాడ్ ఫాదర్ సినిమా చేస్తున్నారు. ఈ సినిమా మలయాళం సూపర్ హిట్ మూవీ లూసిఫర్ సినిమాకు రీమేక్ గా వస్తోంది. ప్రస్తుతం ఈ సినిమా షూటింగ్ దశలో ఉంది. ఇటీవలే ఈ సినిమాను నుంచి మెగాస్టార్ లుక్ తోపాటు ఓ వీడియోను రిలీజ్ చేశారు. అలాగే తమిళ్ సినిమా వేదాళం సినిమాను కూడా రీమేక్ చేస్తున్నారు. మెహర్ రమేష్ ఈ సినిమాకు దర్శకత్వం వహిస్తున్నారు. మొన్నామధ్య ఈ సినిమానుంచిఫస్ట్ లుక్ పోస్టర్ ను రిలీజ్ చేశారు. అలాగే ఈ సినిమాలో కీర్తిసురేష్ చిరంజీవికి చెల్లిగా నటిస్తోంది.
అలాగే బాబీ దర్శకత్వంలో చిరంజీవి వాల్తేరు వీరయ్య అనే సినిమా చేస్తున్నారు. మెగాస్టార్ 154వ సినిమా గా వస్తోన్న ఈ సినిమాలో మెగాస్టార్ ఫుల్ లెంగ్త్ మాస్ పాత్రలో కనిపించనున్నారు. ఇక ఈ సినిమాలో కీలక పాత్రలో మాస్ మహారాజ రవితేజ నటిస్తోన్న విషయం తెలిసిందే. చిరంజీవి సినిమాలో నటించాలని ఎప్పటినుంచో ఎదురుచూస్తున్న రవితేజ కు ఇప్పటికి ఆ ఛాన్స్ దక్కింది. ఆ సినిమాకు సంబంధించిన ఒక ప్రత్యేకమైన షెడ్యూల్ ని హైదరాబాదులో స్టార్ట్ చేశారు. ఈ షూటింగ్ లో రవితేజ కూడా పాల్గొంటున్నాడు. ఒక వారం రోజులు వరకు చిరంజీవి రవితేజకు సంబంధించిన సన్నివేశాలను చిత్రీకరించనున్నారు. వచ్చే ఏడాది సంక్రాంతికి ఈ సినిమాను విడుదల చేయాలని సన్నాహాలు చేస్తున్నారు మేకర్స్.
