Ranabaali: విజయ్ దేవరకొండ శివ తాండవం.. రణబాలి నుంచి ‘కోబలి’ ఫుల్ వీడియో సాంగ్ రిలీజ్
విజయ్ దేవరకొండ, రష్మిక మందన్నా జంటగా నటించిన లేటెస్ట్ సినిమా 'రణబాలి'. దసరా కానుకగా రిలీజైన ఈ పీరియాడికల్ యాక్షన్ థ్రిల్లర్ థియేటర్లలో సక్సెస్ ఫుల్ గా రన్ అవుతోంది. ఇప్పటికే ఈ సినిమా బ్రేక్ ఈవెన్ ను అధిగమించిందని ట్రేడ్ నిపుణులు చెబుతున్నారు.
Updated on: Oct 27, 2026 | 7:42 PM
టాలీవుడ్ స్టార్ కపుల్ విజయ్ దేవరకొండ, రష్మిక మందన్న జంటగా నటించిన లేటెస్ట్ సినిమా రణబాలి. దసరా కానుకగా అక్టోబర్ 16న ప్రేక్షకుల ముందుకు వచ్చిన ఈ సినిమా సూపర్ హిట్ టాక్ తో దూసుకుపోతోంది. బాక్సాఫీస్ వద్ద అంచనాలకు మించి వసూళ్లను రాబడుతోంది. కేవలం తెలుగులోనే కాదు ఇతర భాషల్లోనూ విజయ్ దేవరకొండ సినిమాకు మంచి రెస్పాన్స్ వస్తోంది. అలాగే ఓవర్సీస్ లోనూ సినిమాకు రికార్డు కలెక్షన్లు వస్తున్నాయి. 1878 కాలంలో రాయలసీమలో సంభవించిన కరువు, ప్రజల కష్టాలు, బ్రిటిష్ పాలకుల ఆగడాలను నేపథ్యంగా తీసుకుని దర్శకుడు రాహుల్ సాంకృత్యాన్ ఈ సినిమాను తెరకెక్కించాడు. హాలీవుడ్ స్టార్ నటుడు అర్నాల్డ్ వాస్లూ ఈ మూవీలో మెయిన్ విలన్ గా నటించాడు. ప్రస్తుతం రణబాలి సినిమా థియేటర్లలో సక్సెస్ ఫుల్ గా రన్ అవుతోంది. అయితే తాజాగా ఈ సినిమా నుంచి ‘కోబలి’ అనే పవర్‌ఫుల్ ఎలివేషన్ సాంగ్ వీడియోను టీమ్‌ విడుదల చేసింది. ఈ పాటలో విజయ్ దేవరకొండ ఒంటినిండా భస్మం, మెడలో రుద్రాక్ష మాలలు ధరించి, చేతిలో కత్తి-త్రిశూలంతో చేసిన తాండవం ప్రేక్షకులను ఆకట్టుకుంది. ముఖ్యంగా థియేటర్లలో ఈ సాంగ్ కు విజిల్స్ పడ్డాయి. విజయ్ బాడీ లాంగ్వేజ్, హావభావాలు కూడా ఈ పాటను నెక్ట్స్ లెవెల్ కు తీసుకెళ్లాయి.
మైత్రీ మూవీ మేకర్స్ బ్యానర్‌పై నవీన్ యెర్నేని, వై. రవిశంకర్ భారీ బడ్జెట్ తో అత్యంత ప్రతిష్ఠాత్మకంగా రణబాలి సినిమాను నిర్మించారు. అజయ్–అతుల్ ఈ సినిమాకు సంగీతం అందించగా పాటలన్నీ చార్ట్ బస్టర్స్ గా నిలిచాయి. యూట్యూబ్ లో మిలియన్ల కొద్దీ వ్యూస్ తెచ్చుకున్నాయి. ముఖ్యంగా ‘ఏందయ్యా సామీ’ పాట అయితే సోషల్ మీడియాను షేక్ చేస్తోంది. యూట్యూబ్ లో ఈ పాటకు రికార్డు వ్యూస్ వస్తున్నాయి. ఇటీవలే ఈ సాంగ్ ఫుల్ వీడియోను మేకర్స్ రిలీజ్ చేశారు. ఇప్పుడు కోబలి ఫుల్ వీడియో సాంగ్ ను కూడా రిలీజ్ చేశారు.
రణబాలి ‘కోబలి’ సాంగ్ ఫుల్ వీడియో..
మరిన్ని సినిమా వార్తల కోసం ఇక్కడ క్లిక్ చేయండి.
