Bheemla Nayak: ‘భీమ్లానాయక్’ నుంచి రానా గ్లింప్స్‌.. ప్రేక్షకుల ముందుకు ఎప్పుడంటే..

Bheemla Nayak: పవర్ స్టార్ పవన్ కళ్యాణ్- దగ్గుబాటి హీరో రానా కలిసి నటిస్తున్న సినిమా భీమ్లానాయక్. సాగర్ చంద్ర దర్శకత్వంలో రాబోతున్న ఈ సినిమాకు మాటల మాంత్రికుడు త్రివిక్రమ్ శ్రీనివాస్ దర్శకత్వ పర్యవేక్షణతోపాటు మాటలు రాస్తున్నారు. ఇక ఈ సినిమా మలయాళంలో సూపర్ హిట్ అయిన అయ్యప్పనుమ్ కోషియమ్ సినిమాకు రీమేక్‌గా రాబోతుంది. ఇక  ఆ ముందుగా పవన్‌, రానా ఫస్ట్‌లుక్‌ను రిలీజ్ చేసి సినిమాపై ఒక్కసారిగా అంచనాలు పెంచేశారు మేకర్స్‌. ఆ అంచనాలను క్యారీ చేస్తూ.. మొన్నామధ్య  రిలీజైన టైటిల్‌ అండ్‌ ఫస్ట్ గ్లింప్స్‌ను యూట్యూబ్‌ దద్దరిల్లేలా రీసౌండ్‌ చేసింది. అభిమానుల్లో ఎక్కడలేని జోష్ ను నింపింది “డానీ బయటకు రారా…..” అంటూ ఫస్ట్‌ గ్లిమ్స్‌లో లుంగి పైకి కట్టుకుని ఆవేశంగా నడివస్తున్న పవన్‌ కళ్యాణ్‌ని చూసిన అభిమానులు ఊగిపోయారు.

నెట్టింట భీమ్లా నాయక్‌ను టాప్‌లో నిలబెడుతూ …. రిలీజైన గంటలోనే ట్రెండింగ్‌లో నిలిపారు. పవర్ బీజీలకు కేరాఫ్ అడ్రస్‌గా మారిన థమన్‌ ఫస్ట్ గ్లింప్ల్స్‌లో మ్యూజిక్‌ దద్దరిల్లేలా కొట్టడంతో … భీమ్లా నాయక్  యూట్యూబ్‌ను షేక్ చేసింది. ఇప్పటికే ఈ సాంగ్ 29మిలియన్‌కు పై  వ్యూస్ ను సొంతం చేసుకుంది. ఇక ఈ మధ్య రిలీజ్ అయిన ఫస్ట్ సాంగ్ కూడా రికార్డ్స్ క్రియేట్ చేస్తుంది. నేపథ్యంలో రానా పాత్ర ఆవిష్కరిస్తూ ఒక టీజర్‌ను విడుదల చేయనున్నట్టుగా తెలుస్తోంది. వచ్చేవారంలో రానా టీజర్ ఉండొచ్చని అంటున్నారు. ఈ సినిమాలో రానా నెగిటివ్ షేడ్స్ ఉన్న పాత్రలో కనిపించనున్నాడు. పవన్ సరసన నిత్యామీనన్ నటిస్తుండగా, రానా సరసన ఐశ్వర్య రాజేశ్ కనిపించనుంది. సంక్రాంతి కానుకగా ఈ సినిమా ప్రేక్షకుల ముందుకు రానుంది.

మరిన్ని ఇక్కడ చదవండి : 

Happy Birthday Ramya Krishnan: ఎవర్‌గ్రీన్ బ్యూటీ రమ్యకృష్ణ గురించి ఆసక్తికర విషయాలు

Bigg Boss 5 Telugu: పంథం నీదా నాదా సై.. శ్రుతిమించిన ఆటతీరు.. మెడికల్ రూమ్‏కు కంటెస్టెంట్..

Love Story: లవ్ స్టోరీ సినిమా పై వివాదం.. ఆ డైలాగ్ వల్ల కొందరి మనోభావాలు దెబ్బతిన్నాయట..