Ram Charan: అదిరిపోయిన రామ్ చరణ్ నయా లుక్.. రాజసం ఉట్టిపడేలా ఉన్న చెర్రీ..

మెగా పవర్ స్టార్ రామ్ చరణ్ (Ram Charan) ప్రస్తుతం ఆర్సీ 15 చిత్రీకరణలో బిజీగా ఉన్న సంగతి తెలిసిందే. గత కొద్దిరోజులుగా ఈ మూవీ షూటింగ్ శరవేగంగా జరుగుతుంది. డైరెక్టర్ శంకర్ తెరకెక్కిస్తున్న ఈ మూవీపై అంచనాలు భారీగానే ఉన్నాయి. టాలీవుడ్ ప్రొడ్యూసర్ దిల్ రాజు నిర్మిస్తోన్న ఈ మూవీలో కియారా అద్వానీ కథానాయికగా నటిస్తోంది. తాజాగా సోషల్ మీడియాలో చెర్రీకి సంబంధించిన లేటేస్ట్ ఫోటోస్ వైరలవుతున్నాయి. అందులో చరణ్ సరికొత్త లుక్‏లో కనిపించి షాకిచ్చాడు. బిజినెస్‏మెన్ లుక్‏లో.. సీరియస్.. రాజసం ఉట్టిపడేలా ఉన్నాడు చరణ్. హెలికాఫ్టర్ నుంచి చెర్రీ దిగివస్తున్న లుక్ ఆకట్టుకుంటుంది. అయితే ఈ లుక్ శంకర్ సినిమా కోసమా ? లేదా ? తెలియడం లేదు.

ఈ చిత్రం పొలిటికల్ నేపథ్యంలో రాబోతున్నట్లుగా తెలుస్తోంది. ఇందులో చరణ్ పవర్ ఫుల్ పాత్రలో కనిపించనున్నాడు. గతంలోనూ ఈ మూవీ నుంచి చరణ్ లుక్స్ నెట్టింట వైరల్ అయ్యాయి. ప్రస్తుతం ఈ మూవీ షూటింగ్ హైదరాబాద్ లో శరవేగంగా జరుగుతుంది. ఈ సినిమా తర్వాత చరణ్ ప్రశాంత్ నీల్ దర్శకత్వంలోనూ ఓ ప్రాజెక్ట్ చేయనున్నట్లు తెలుస్తోంది.

Ram Charan

ఎన్నో అంచనాల మధ్య అత్యంత ప్రతిష్టాత్మకంగా తెరకెక్కుతున్న ఆర్సీ 15 చిత్రంలో శ్రీకాంత్, అంజలి, సముద్రఖని కీలకపాత్రలలో నటిస్తున్నారు. ఈ చిత్రానికి తమన్ సంగీతం అందిస్తున్నారు.