Varanasi Movie : వారణాసిలో నా పాత్ర అదే.. అసలు విషయం లీక్ చేసిన ప్రకాష్ రాజ్..

పాన్ ఇండియా మోస్ట్ అవైటెడ్ మూవీ వారణాసి. డైరెక్టర్ ఎస్ఎస్ రాజమౌళి దర్శకత్వంలో సూపర్ స్టార్ మహేష్ బాబు హీరోగా నటిస్తున్న సినిమా కావడంతో ఇప్పటికే భారీ హైప్ నెలకొంది.ఈ మూవీ కోసం యావత్ సినీ అభిమానులు ఆసక్తిగా ఎదురుచూస్తున్నారు. పాన్ వరల్డ్ స్థాయిలో జక్కన్న తెరకెక్కిస్తున్న ఈ ప్రాజెక్టులో గ్లోబల్ స్టా్ర్ బ్యూటీ ప్రియాంక చోప్రా, మలయాళీ నటుడు పృథ్వీరాజ్ సుకుమారన్ కీలకపాత్రలు పోషిస్తున్నారు. ఇదివరకు వీరి పాత్రలను రివీల్ చేస్తూ జక్కన్న షేర్ చేసిన పోస్టర్స్ మరింత ఆసక్తిని కలిగించాయి. ఈ చిత్రాన్ని వచ్చే ఏడాది వేసవిలో విడుదల చేయనున్నారు. ఈ క్రమంలోనే వారణాసి షూటింగ్ వేగంగా జరుగుతుంది. అయితే ఈ సినిమాకు సంబంధించిన ప్రతి చిన్న విషయంపై ఎంతో క్యూరియాసిటి నెలకొంది. ఎప్పుడెప్పుడు అప్డేట్స్ రివీల్ చేస్తారా ? అని ఎదురుచూస్తున్నారు.

ఎక్కువమంది చదివినవి : Uday Kiran : అప్పుడు నాకు ఏడేళ్లు.. మా మావయ్య సినిమాను థియేటర్లలో చూడండి.. ఉదయ్ కిరణ్ మేనల్లుడు రిక్వెస్ట్..

ఈ చిత్రంలో రుద్ర పాత్రలో మహేష్ బాబు.. మందాకిని పాత్రలో ప్రియాంక చోప్రా, కుంభ పాత్రలో పృథ్వీరాజ్ సుకుమారన్ కనిపించనున్నారు. ఇప్పటివరకు కేవలం మూడు పాత్రలను మాత్రమే జక్కన్న రివీల్ చేశారు. అలాగే మహేష్ బాబు పాత్రకు సంబంధించిన గ్లింప్స్ పంచుకున్నారు. అయితే ఈ సినిమాలో విలక్షణ నటుడు ప్రకాష్ రాజు సైతం ఓ పాత్రలో కనిపించనున్నారట. గతంలో ఓ సందర్భంలో ఈ విషయాన్ని లీక్ చేసిన ఆయన.. ఇప్పుడు తన పాత్ర గురించి చెప్పుకొచ్చారు.

ఎక్కువమంది చదివినవి : Jabardasth: జబర్దస్త్ మానేసి తప్పు చేశాను.. మాటలు నమ్మి అలా జరిగింది.. జబర్దస్త్ కమెడియన్..

వారణాసి సినిమా అద్భుతమైన షెడ్యూల్ ముగిసిందని.. తనలో నటుడి ఆకలిని తీర్చిందని ప్రకాష్ రాజ్ అన్నారు. రాజమౌళి, మహేష్, పృథ్వీరాజ్, ప్రియాంకలతో కలిసి పనిచేయడం ఎంతో ఉత్తేజాన్ని ఇచ్చింది. తదుపరి షెడ్యూల్ కోసం వెయిట్ చేస్తున్నానని అన్నారు. ఇక ఇటీవల ఓ డిబేట్ లో పాల్గొన్న ఆయన.. తాను వారణాసి సినిమాలో మహా శివ భక్తుడి పాత్ర పోషిస్తున్నానని అన్నారు. అలాగే దృశ్యం 3లోనూ నటిస్తున్నట్లు చెప్పుకొచ్చారు. దీంతో ఇప్పుడు ప్రకాష్ రాజ్ చేసిన కామెంట్స్ నెట్టింట వైరలవుతున్నాయి.

ఎక్కువమంది చదివినవి : Actor : సూపర్ స్టార్ కొడుకు.. అయినా అవకాశాలు ఇవ్వలేదు.. ఒక్క సినిమాతో ఇండస్ట్రీనే షేక్ చేశాడు..