Pawan Kalyan: పవర్ స్టార్ న్యూలుక్ అదిరిపోయింది.. హరిహర వీరమల్లు నుంచి పవన్ లుక్ లీక్..
తాజాగా హరి హర వీరమల్లు సినిమా నుంచి మరో స్టిల్ బయటకు వచ్చింది. ఓ లేడీ టెక్నీషియన్ షూటింగ్ సెట్లో పవన్ కళ్యాణ్తో ఫోటో దిగింది. వాటిని సోషల్ మీడియా వేదికగా పంచుకుంది.
పవర్ స్టార్ పవన్ కళ్యాణ్ అటు రాజకీయాలు.. ఇటు సినిమాలు రెండింటిని బ్యాలెన్స్ చేసుకుంటూ ముందుకు వెళ్తున్నారు. తాజాగా పాలిటిక్స్ నుంచి కొంచెం గ్యాప్ తీసుకుని షూటింగుల్లో పాల్గొంటున్నారు. ప్రస్తుతం పవన్ డైరెక్టర్ క్రిష్ దర్శకత్వంలో `హరిహర వీరమల్లు` చిత్రంలో నటిస్తున్న సంగతి తెలిసిందే. ఇందులో నిధి అగర్వాల్ కథానాయికగా నటిస్తోంది. ఈ సినిమా కోసం పవన్ ఫ్యాన్స్ ఆత్రుతగా ఎదురుచూస్తున్నారు. ఇప్పటికే విడుదలైన ఫస్ట్ లుక్ పోస్టర్స్.. ఈ మూవీపై మరింత క్యూరియాసిటిని పెంచేసింది. ఇక మరోవైపు ఈ మూవీ గురించి ఇంట్రెస్టింగ్ అప్డేట్స్ నెట్టింట వైరలవుతున్నాయి. అయితే తాజాగా హరి హర వీరమల్లు సినిమా నుంచి మరో స్టిల్ బయటకు వచ్చింది. ఓ లేడీ టెక్నీషియన్ షూటింగ్ సెట్లో పవన్ కళ్యాణ్తో ఫోటో దిగింది. వాటిని సోషల్ మీడియా వేదికగా పంచుకుంది. దీంతో పవన్ హరిహర వీరమల్లు లుక్ నెట్టింట హల్చల్ చేస్తుంది. ఇందులో గెడ్డంతో పవర్ఫుల్ లుక్లో కనిపిస్తున్నారు పవన్.
ఈ ఫోటోలో పవన్ కళ్యాణ్ రెడ్ డ్రెస్లో.. యుద్ధంలో పాల్గొనే యోధుడిలా తయారై ఉన్నారు. ప్రస్తుతం ఈ ఫోటో సోషల్ మీడియాలో వైరలవుతుంది. దీంతో పవన్ థిక్ బియర్డ్తో ఉన్న ఫోటోస్ బయటకు రావటంతో ఈ సినిమాలో పవన్ డ్యూయల్ రోల్ చేస్తున్నారా అన్న అనుమానాలు మొదలయ్యాయి. క్రిష్ దర్శకత్వంలో రూపొందుతున్న ఈ చిత్రాన్ని ఏ ఎం రత్నం నిర్మిస్తున్నారు. భారీ బడ్జెట్తో తెరకెక్కుతున్న ఈ చిత్రాన్ని పాన్ ఇండియా లెవల్లో విడుదల చేయబోతున్నారు. 17వ శతాబ్దపు బ్యాక్ డ్రాప్తో తెరకెక్కుతోన్న పీరియాడిక్ జోనర్ మూవీ ఇది. ప్రస్తుతం సినిమా షూటింగ్ హైదరాబాద్ పరిసర ప్రాంతాల్లో శరవేగంగా జరుగుతోంది.
Hari Hara Veeramallu Movie
ఈ సినిమా తర్వాత పవన్ సాహో డైరెక్టర్ సుజిత్ దర్శకత్వంలో నటించనున్నారు. ఆర్ఆర్ఆర్ నిర్మాణ సంస్థ డీవీవీ ఎంటర్టైన్మెంట్ బ్యానర్ పై దానయ్య నిర్మించనున్నారు. ప్రస్తుతం ఈ మూవీ ప్రీ ప్రొడక్షన్ పనులు జరుపుకుంటుంది. త్వరలోనే ఈ మూవీలోని నటీనటులకు సంబంధించిన పూర్తి వివరాలను ప్రకటించనున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.