150 అడుగులు గాల్లోకి ఎగిరి టీ ఎస్టేట్‌లో పడిన కారు.. భయంతో పరుగులు పెట్టిన జనం.. తీరా చూస్తే

ప్రమాదాలు ఎప్పుడు ఎక్కడ ఎలా జరుగుతాయో చెప్పలేం.. ఇటీవల కాలంలో ఊహించని ప్రమాదాలు జరుగుతున్నాయి. ముఖ్యంగా కారు ప్రమాదాలు ఎక్కువగా జరుగుతున్నాయి. మితిమీరిన వేగంతో ప్రమాదాలు గురవుతున్నారు జనాలు. తాజాగా ఓ కారు ఏకంగా 150 అడుగుల ఎత్తుకు ఎగిరిపడింది. తీరా అసలు విషయం తెలిసి అందరు షాక్ అయ్యారు. అసలు విషయం తెలిసి ఒక్కసారిగా ఊపిరి పీల్చుకున్నారు. ఇంతకు విషయం ఏంటంటే.. అక్కడ జరిగింది ప్రమాదం కాదు సినిమా షూటింగ్..

తాజాగా ఓ సినిమా కోసం జరిగిన షూటింగ్ ప్రజలను భయంతో పరుగులు పెట్టించింది. ఓ యాక్షన్ సీన్ కోసం చేసిన షూటింగ్ చూసి ప్రజలు భయబ్రాంతులకు గురయ్యారు. ఏకంగా పోలీసులకు ఫోన్ చేసి మరి ప్రమాదం జరిగిందని చెప్పారు. తీరా పోలీసులు వచ్చి  చూస్తే అది సినిమా షూటింగ్ అని తెలిసింది. కింగ్ నాగార్జున నాగార్జున హీరోగా ప్రవీణ్ సత్తారు తెరకెక్కిస్తున్న ఘోస్ట్ సినిమా షూటింగ్ ఊటీలో శరవేగంగా జరుగుతుంది. ఓ యాక్షన్ సన్నివేశానికి సంబంధించిన సీన్ ను చిత్రీకరిస్తున్నారు చిత్రయూనిట్ ఈ సందర్భంగా ఓ కారును గాలిలోకి లేపారు స్టెంట్ మాస్టర్.

సినిమా షూటింగ్ స్టంట్ తో ఉల్లిక్కిపడ్డరు ఊటీ టీ ఎస్టేట్ కార్మికులు. యాక్షన్ సీక్వెన్స్ లో భాగంగా ఓ కారు గాలిలోకి లేచి పడాలి.. దాంతో ఈ క్రమంలో కారు బ్లాస్ట్ సన్నివేశాలలో కారు 150 అడుగుల ఎత్తుకి లేచి టీ ఎస్టేట్ లో పడింది. దాంతో అక్కడ ఉన్న జనం ఒక్కసారిగా కారు ప్రమాదం జరిగిందని భావించి భయంతో పరుగులు పెట్టారు. వెంటనే స్థానిక పోలీసులకు సమాచారం ఇచ్చారు. సమాచారం అందుకున్న పోలీసులు అక్కడికి వచ్చి చూడగా అది సినిమా షూటింగ్ అని తెలిసింది. పోలీస్ విచారణలో సినిమా షూటింగ్ లో కారు స్టంట్ చిత్రీకరిస్తునట్టు చిత్ర యూనిట్ వెల్లడించింది. దాంతో అక్కడి స్థానికులు, పోలీసులు ఊపిరి పీల్చుకున్నారు. మొత్తానికి సినిమా షూటింగ్ ఊటీ టీ ఎస్టేట్ కార్మికులను ఉల్లిక్కిపడేలా చేసింది.