Naga Babu Konidela: వర్మకు మద్దతుగా రంగంలోకి మెగా బ్రదర్.. సోషల్ మీడియా వేదికగా ఏమన్నారంటే..

ప్రభుత్వానికి టాలీవుడ్ మధ్య కోల్డ్ వార్ నడుస్తున్న విషయం తెలిసిందే. టికెట్ ధరల విషయంలో సినిమా పెద్దలు ప్రభుత్వం పై అసహనం వ్యక్తం చేస్తున్నారు.

Rgv

Rajeev Rayala |
Updated on: Jan 04, 2022 | 6:47 PM

Naga Babu Konidela: ప్రభుత్వానికి టాలీవుడ్ మధ్య కోల్డ్ వార్ నడుస్తున్న విషయం తెలిసిందే. టికెట్ ధరల విషయంలో సినిమా పెద్దలు ప్రభుత్వం పై అసహనం వ్యక్తం చేస్తున్నారు. ఇక టికెట్ ధరలు పెంచాలంటూ నిర్మాతలు అంటుంటే.. ప్రజలకు అందుబాటులో ఉండేందుకే ధరలను తగ్గించామని ప్రభుత్వం చెప్తుంది. సామాన్యులకు టికెట్ ధరలు అందుబాటులో ఉండేందుకు ప్రభుత్వం ఈ జీవోను తీసుకువచ్చిందని ఏపీ మంత్రులు చెప్తున్నా మాట. పేదలకు వినోదం అందుబాటులోకి తీసుకొచ్చే విధంగా తమ ప్రభుత్వం నిర్ణయం తీసుకుందని ఏపీ మంత్రులు మైకులు పెట్టి మొత్తుకుంటున్నారు. అయితే సినిమా టికెట్ ధరను నిర్ణయించే అధికారం ప్రభుత్వానికి లేదంటూ సినీ ప్రముఖులు మండిపడుతున్నారు. ఇక ఈ వ్యవహారం పై ఇప్పటికే సినీ పెద్దలకు ఏపీ మంత్రులకు మధ్య కోల్డ్ వార్ నడుస్తుంది. ఈ విషయం పై సంచలన దర్శకుడు రామ్ గోపాల్ వర్మ కూడా స్పందించారు. ఇప్పటికే టీవీ 9వేదికగా ఏపీ మంత్రి పేర్ని నానితో మాటల యుద్దానికి దిగిన ఆర్జీవీ. ఇప్పుడు తనకు కొన్ని ప్రశ్నలు ఉన్నాయంటూ ఓ వీడియోను విడుదల చేశారు. ఈ వీడియోలో తనకు ఉన్న పది ప్రశ్నలను ప్రభుత్వం పై సంధించారు ఆర్జీవీ.

My 10 questions to all concerned with the ticket rates issue in the honourable AP government https://t.co/EJH1CKYsQW

— Ram Gopal Varma (@RGVzoomin) January 4, 2022

అయితే ఆర్జీవీ అడిగిన 10 ప్రశ్నల పై రియాక్ట్ అయ్యారు మెగా బ్రదర్ నాగబాబు. సోషల్ మీడియా వేదికగా నాగబాబు స్పందిస్తూ.. మీరు అడిగిన ప్రశ్నలన్నీ సత్యాలే.. నేను అడగలనుకున్న పది ప్రశ్నలు మీనోటి ద్వారా బయటకు వచ్చాయి.. అని ట్వీట్ చేశారు నాగబాబు. మరి ఇప్పుడు నాగబాబు ట్వీట్ పై ఏపీ మంత్రులు ఎలా స్పందిస్తారో చూడాలి.

You’re absolutely right… And you took the questions right out of my mouth… @RGVzoomin https://t.co/OcePNWtnNj

— Naga Babu Konidela (@NagaBabuOffl) January 4, 2022