Shyam Singha Roy: నేచురల్ స్టార్ ఆశలన్నీ ఈ పిరియాడికల్ మూవీ పైనే.. “శ్యామ్ సింగరాయ్” నాని నమ్మకాన్ని నిలబెట్టేనా..?

Shyam Singha Roy: నేచురల్ స్టార్ నాని నటిస్తున్న లేటెస్ట్ మూవీ శ్యామ్ సింగరాయ్. టాక్సీవాలా సినిమాతో మంచి విజయాన్ని అందుకున్న దర్శకుడు రాహుల్ సాంకృత్యన్ ఈ సినిమాకు దర్శకత్వం వహిస్తున్నాడు. విభిన్నమైన కథాంశంతో ఈ సినిమా తెరకెక్కుతోంది. ఈ సినిమాలో నాని డ్యూయల్ రోల్‌లో కనిపించనున్నాడని తెలుస్తుంది. శ్యామ్ సింగరాయ్  సినిమాలో ముగ్గురు హీరోయిన్స్ నటిస్తున్నారు. సాయి పల్లవి, మడోన్నా సెబాస్టియన్, కృతి శెట్టి ఈ సినిమాలో కనిపించనున్నారు. ఇటీవల దీపావళి కానుకగా ఈ సినిమానుంచి హీరోయిన్స్ లుక్స్‌ను విడుదల చేశారు. ముగ్గురు హీరోయిన్స్ మూడు డిఫరెంట్ గెటప్స్‌లో కనిపిస్తున్నారు. మడోన్నా, కృతి ఇద్దరు నార్మల్ లుక్‌లో ఉండగా సాయి పల్లవి మాత్రం సాంప్రదాయ దుస్తుల్లో కనిపిస్తుంది. కలకత్తా బ్యాక్ డ్రాప్‌లో తెరకెక్కుతున్న ఈసినిమాలో సాయి పల్లవి రోల్ చాలా కీలకంగా ఉంటుందని అంటున్నారు.

అంతే కాదు ఈ సినిమాలో సాయి పల్లవి పాత్రకు అతీత శక్తులు కూడా ఉంటాయని టాక్ వినిపిస్తుంది. ఇక వి, టక్ జగదీష్ సినిమాలు ఆశించిన స్థాయిలో ప్రేక్షకులను ఆకట్టుకోలేక పోయాయి. పైగా రెండు సినిమాలు ఓటీటీ వేదికగానే విడుదలయ్యాయి. ఇప్పుడు శ్యామ్ సింగరాయ్ సినిమా మాత్రం థియేటర్స్‌లో రిలీజ్ కానుంది. దాంతో నాని ఈ సినిమాతో హిట్ కొట్టాలని కసిగా ఉన్నాడు. డిసెంబర్ 24న ఈ సినిమా గ్రాండ్‌గా విడుదల కానుంది. ఇక రిలీజ్ డేట్ దగ్గర పడుతుండటంతో చిత్రయూనిట్ ప్రమోషన్స్ స్పీడ్ పెంచనున్నారు. ఇప్పటి నుంచి వరుసగా సినిమాకు సంబంధించిన  అప్డేట్స్ అందించనున్నారు. మరి ఈ సినిమా నానికి సాలిడ్ హిట్ ఇస్తుందేమో చూడాలి.

మరిన్ని ఇక్కడ చదవండి: 

Mehreen Pirzada Birthday: మంచులో కడిగిన ముత్యంలాంటి ముద్దుగుమ్మ మెహ్రీన్..

Allu Arjun’s Pushpa : సుకుమార్ ప్లాన్ మాములుగా లేదుగా.. ‘పుష్ప’ సినిమాలో ఏకంగా వేయిమంది..

Dil Raju: రామ్ చరణ్- శంకర్ సినిమాకోసం దిల్ రాజు పెద్ద సాహసమే చేస్తున్నారుగా..!!