Megastar Chiranjeevi: మెగాస్టార్ చిరంజీవి ఊర మాస్ లుక్ అదిరిపోయిందిగా.. కొర మీసంతో పవర్ఫుల్ లుక్లో అన్నయ్య..
ఇటీవల విడుదలైన గాడ్ ఫాదర్ టీజర్తో సినిమా మరింత అంచనాలను పెంచేసింది. ఈ సినిమాలో చిరు పొలిటికల్ లుక్లో కనిపించనున్నారు.
Updated on: Aug 28, 2022 | 7:05 AM
రీఎంట్రీ తర్వాత మెగాస్టార్ చిరంజీవి (Megastar Chiranjeevi) స్పీడ్ పెంచారు. వరుస చిత్రాలతో థియేటర్ల వద్ద సందడి చేసేందుకు సిద్ధమయ్యారు. ఇప్పటికే ఆచార్య సినిమాతో ప్రేక్షకులను అలరించారు చిరు. మాస్ డైరెక్టర్ కొరటాల శివ తెరకెక్కించిన ఈ సినిమా ఆశించినంత స్థాయిలో సక్సెస్ కాలేకపోయింది. దీంతో తన తన తదుపరి చిత్రాలపై మరింత శ్రద్ద పెట్టారు మెగాస్టార్. ఇప్పుడు చేతినిండా చిత్రాలతో క్షణం తీరిక లేకుండా గడిపేస్తున్నారు. ప్రస్తుతం ఆయన మూడు సినిమాలు చేస్తున్న సంగతి తెలిసిందే. డైరెక్టర్ మోహన్ రాజా దర్శకత్వంలో గాడ్ ఫాదర్ కాగా.. మరోకటి డైరెక్టర్ బాబీ తెరకెక్కిస్తోన్న మెగా 154.. అలాగే.. దర్శకుడు మెహర్ రమేష్ డైరెక్షన్లో భోళా శంకర్. ప్రస్తుతం ఈ చిత్రాలన్ని శరవేగంగా షూటింగ్ జరుపుకుంటున్నాయి. ఇటీవల విడుదలైన గాడ్ ఫాదర్ టీజర్తో సినిమా మరింత అంచనాలను పెంచేసింది. ఈ సినిమాలో చిరు పొలిటికల్ లుక్లో కనిపించనున్నారు.
ఇదిలా ఉంటే.. తాజాగా మెగాస్టార్ చిరంజీవికి సంబంధించిన లేటేస్ట్ ఫోటో సోషల్ మీడియాను షేక్ చేస్తుంది. కొర మీసంతో ఊర మాస్ లుక్లో అదిరిపోయిన ఆ ఫోటో ఇప్పుడు నెట్టింట చక్కర్లు కొడుతుంది. చాలా కాలం తర్వాత చిరును అలా మాస్ రఫ్ లుక్లో చూసిన అభిమానులు ఫుల్ ఖుషి అవుతున్నారు. అయితే ఈ లుక్లో డైరెక్టర్ బాబీ తెరకెక్కిస్తోన్న మెగా 154 చిత్రంలో ఉండనున్నట్లుగా తెలుస్తోంది. ప్రస్తుతం ఈ మూవీ షూటింగ్ శరవేగంగా జరుగుతుంది. ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోంది. ఇందులో శ్రుతి హాసన్ కథానాయికగా నటిస్తోండగా.. కీలకపాత్రలో మాస్ మహారాజా రవితేజ కీలకపాత్రలో నటిస్తున్నారు. ఇటీవలే ఈ మూవీ షూటింగ్ లో జాయిన్ అయ్యారు రవితేజ.
