Manisha Koirala: ఎవర్ గ్రీన్ సూపర్ హిట్ సాంగ్.. కానీ ఆ పాట షూటింగ్ చేయాలంటే భయపడ్డ హీరోయిన్.. ఎందుకంటే..

Urike Chilaka Song

“ఊరికే చిలకా వేచి ఉంటాను కడవరకు

కురిసే చినుకా ఎళువైనవే ఎదవరకు

చెలివై సఖివై రెండు హృదయాల కధలు విను

బ్రతుకే బరువై నిండు విరహాల కబురు విను.. ”

సాంగ్ ఇప్పటికీ శ్రోతల హృదయాలను మంత్రముగ్దులను చేస్తుంది. ఒకప్పుడు యూత్‏ను అల్లాడించేసిన ఈ పాట ఇప్పటికీ ఎక్కడో ఒకచోట వినిపిస్తూనే ఉంటుంది. ఎంతో మంది మనసులను మైమరపించిన అద్భుతమైన సంగీతం. డైరెక్టర్ మణిరత్నం రూపొందించిన బొంబాయి చిత్రంలోనిది ఈ సాంగ్. తమిళ్ హీరో అరవింద్ స్వామి, మనీషా కోయిరాల జంటగా నటించిన ఈ చిత్రం జాతీయ స్థాయిలో ఎన్నో ప్రశంసలను అందుకుంది. ఇక ఏఆర్ రెహమాన్ అందించిన మ్యూజిక్ గురించి చెప్పక్కర్లేదు. 1995లో విడుదలైన ఈ సినిమా అప్పట్లో బాక్సాఫీస్ వద్ద సంచలనం సృష్టించింది. శేఖర్ పాత్రలో అరవింద్ స్వామి, షైలా భాను పాత్రలో మనీషా కోయిరాల నటనకు అడియన్స్ ఫిదా అయ్యారు. వీరిద్దరి యాక్టింగ్‏తో వెండితెరపై మెరుపులు మెరిపించారు. ఈ సినిమాకు ప్రధాన బలం అంటే సంగీతమే అని చెప్పాలి.

ఏఆర్ రెహమాన్ అందించిన అద్భుతమైన సంగీతం శ్రోతలను కట్టిపడేసింది. ఈ సినిమాలోని ఉరికే చిలకా సాంగ్ ఇప్పటికీ చాలా మంది ఫేవరేట్. కానీ ఇదే పాట తన కెరీర్‏లోనే అత్యంత కష్టమైన పాట అని చెబుతుంది హీరోయిన్ మనీషా కోయిరాల. తాజాగా ఓ ఇంటర్వ్యూలో పాల్గొన్న ఆమె ఈ సాంగ్ చిత్రీకరణ సమయంలో ఎదుర్కొన్న సవాళ్ల గురించి తెలిపింది. ఎంతో మందిని కట్టిపడేసిన ఈ పాట తనకు మాత్రం చాలా కష్టమైనదని తెలిపింది. ఈ సాంగ్ చిత్రీకరణ సముద్రం ఒడ్డున ఉన్న ఓ పురాతన కట్టడం వద్ద జరిగిందని.. అక్కడ పెద్ద పెద్ద రాళ్లు.. చుట్టూ ముళ్లపొదలు, చెట్లు ఉన్నాయని తెలిపింది.

ముఖ్యంగా ఆ ప్రదేశం మొత్తం జలగలే ఉన్నాయని.. ఆ పాటలో తాను పొడవాటి నీలిరంగు దుస్తులు పరుగెత్తాలి.. కానీ కాలు కింద పెడితే ఎక్కడ జలగలు తనను పట్టిస్తాయేమోనని భయపడ్డానని.. దీంతో తన పరిస్థితిని అర్థం చేసుకున్న చిత్రయూనిట్.. ఆ ప్రదేశంలో ఉప్పు చల్లారని.. అలాగే తనకు బూట్లు కూడా ఇచ్చారని తెలిపింది. అలా చేయడం ద్వారా ఈ సాంగ్ షూటింగ్ కాస్త సులభమైందని అప్పటి సంగతులను గుర్తుచేసుకుంది. కొన్నాళ్లపాటు సినిమాలకు దూరంగా ఉన్న మనీషా.. ఇప్పుడిప్పుడే సెకండ్ ఇన్నింగ్స్ స్టా్ర్ట్ చేసింది. ఇటీవలే హీరామండి వెబ్ సిరీస్ లో నటించింది.

మరిన్ని సినిమా వార్తల కోసం ఇక్కడ క్లిక్ చేయండి.