Shaakuntalam: దుష్యంతుడి కోసం శకుంతల ఎదురుచూపులు.. ఆకట్టుకుంటున్న ‘మల్లికా’ వీడియో సాంగ్..
రిలీజ్ డేట్ దగ్గర పడడంతో ఈ సినిమా ప్రమోషన్స్ జోరు పెంచారు మేకర్స్. ఈ క్రమంలోనే ఇప్పటికే విడుదలైన ట్రైలర్, పాటలు ఆకట్టుకుంటున్నాయి. తాజాగా ఈ సినిమా నుంచి మల్లికా... మల్లికా అనే వీడియో సాంగ్ రిలీజ్ చేశారు మేకర్స్.
Updated on: Mar 31, 2023 | 5:14 PM
డైరెక్టర్ గుణశేఖర్ రూపొందించిన లేటేస్ట్ చిత్రం శాకుంతలం. కాళిదాసు రచించిన అభిజ్ఞాన శాకుంతలం నవల ఆధారంగా తెరకెక్కిన ఈ సినిమాలో టాలీవుడ్ స్టార్ హీరోయిన్ సమంత ప్రధాన పాత్రలో నటించింది. ఇప్పటికే అన్ని కార్యక్రమలు పూర్తిచేసుకున్న ఈ చిత్రం ఏప్రిల్ 14న తెలుగుతోపాటు.. మలయాళం, హిందీ, తమిళం, కన్నడ భాషలలో ప్రేక్షకుల మందుకు రానుంది. రిలీజ్ డేట్ దగ్గర పడడంతో ఈ సినిమా ప్రమోషన్స్ జోరు పెంచారు మేకర్స్. ఈ క్రమంలోనే ఇప్పటికే విడుదలైన ట్రైలర్, పాటలు ఆకట్టుకుంటున్నాయి. తాజాగా ఈ సినిమా నుంచి మల్లికా… మల్లికా అనే వీడియో సాంగ్ రిలీజ్ చేశారు మేకర్స్.
నిమిషంన్నర నిడివి ఉన్న ఈ సాంగ్ మల్లికా.. మల్లికా మాలతీ మాలిక.. చూడవా చూడవా ఏడే నా ఏలికా.. అంటూ సాగుతున్న ఈ పాటను రమ్య బెహ్రా ఆలిపించగా.. మణిశర్మ సంగీతం అందించారు. దుష్యంతుడి కోసం ఎదురుచూస్తు శకుంతల పాడుకునే పాటగా దీన్ని చిత్రీకరించారు. ఈ చిత్రంలో మలయాళీ నటుడు దేవ్ మోహన్ దుష్యంతుడి పాత్రలో కనిపించనున్నారు.
అలాగే డైలాగ్ కింగ్ మోహన్ బాబు, ప్రకాష్ రాజ్, అనన్య నాగల్ల, గౌతమి కీలకపాత్రలలో నటించారు. ఈ చిత్రానికి మెలోడీ బ్రహ్మ మణిశర్మ సంగీతం అందించగా.. నీలిమ గుణ నిర్మిస్తున్నారు. పాన్ ఇండియా లెవల్లో విడుదల కాబోతున్న ఈ సినిమా ప్రమోషన్స్ జోరుగా సాగుతున్నాయి.
మరిన్ని సినిమా వార్తల కోసం ఇక్కడ క్లిక్ చేయండి.
