Prabhas: ఇది క్రేజీ కాంబో గురూ.. ప్రభాస్ సినిమాలో మలయాళీ స్టార్ హీరో.. స్పిరిట్ కోసం రంగంలోకి..
యంగ్ రెబల్ స్టార్ ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్న సినిమాల్లో స్పిరిట్ ఒకటి. యానిమల్ సినిమాతో బాక్సాఫీస్ షేక్ చేసిన డైరెక్టర్ సందీప్ రెడ్డి వంగా ఈ సినిమాను తెరకెక్కిస్తున్న సంగతి తెలిసిందే. దీంతో ఈ మూవీపై ఓ రేంజ్ హైప్ నెలకొంది. త్వరలోనే ఈ మూవీ రెగ్యులర్ షూటింగ్ స్టార్ కానుంది. ఈ క్రమంలోనే ఈ ప్రాజెక్ట్ గురించి రోజుకో న్యూస్ చక్కర్లు కొడుతుంది.
పాన్ ఇండియా స్టార్ ప్రభాస్ ప్రస్తుతం చేతినిండా సినిమాలతో బిజీగా ఉన్న సంగతి తెలిసిందే. కల్కి సినిమా సక్సెస్ తర్వాత డార్లింగ్ రాజాసాబ్ సినిమా చిత్రీకరణలో పాల్గొంటున్న సంగతి తెలిసిందే. డైరెక్టర్ మారుతి తెరకెక్కిస్తోన్న ఈ మూవీ కొన్ని నెలలుగా వేగంగా షూటింగ్ జరుపుకుంటుంది. ఇందులో మాళవిక మోహనన్, రిద్ధి కుమార్, నిధి అగర్వాల్ హీరోయిన్లుగా నటిస్తున్నారు. హారర్ కామెడీ డ్రామాగా వస్తున్న ఈసినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ సినిమాతోపాటు డైరెక్టర్ సందీప్ రెడ్డి వంగా డైరెక్షన్లో ప్రభాస్ చేయబోయే స్పిరిట్ ప్రాజెక్ట్ పై మరింత హైప్ నెలకొన్న సంగతి తెలిసిందే. పవర్ ఫుల్ కాప్ స్టోరీగా రాబోతున్న ఈ మూవీ స్క్రిప్ట్ ఇదివరకే పూర్తైంది. ప్రస్తుతం ప్రీ ప్రొడక్షన్ వర్క్ జరుగుతున్నట్లు సమాచారం.
ఇక ప్రస్తుతం ఈ సినిమా కోసం నటీనటుల ఎంపిక ప్రక్రియ జరుగుతున్నట్లుగా తెలుస్తోంది. అలాగే ఇందులో కొరియన్, అమెరికన్ యాక్టర్స్ సైతం కనిపించనున్నారని సమాచారం. అలాగే ఇండియన్ ఫిల్మ్ ఇండస్ట్రీలోని ఇతర భాషలకు చెందిన నటీనటులు సైతం నటించనున్నారని టాక్. ఈ క్రమంలోనే తాజాగా ఓ స్టార్ హీరో పేరు సోషల్ మీడియాలో మారుమోగుతుంది. అతడు మరెవరో కాదు.. మలయాళీ సీనియర్ హీరో మమ్ముట్టి.
లేటేస్ట్ సమాచారం ప్రకారం స్పిరిట్ చిత్రంలో ఓ ముఖ్య పాత్ర కోసం మమ్ముట్టిని ఎంపిక చేసినట్లు టాక్. అయితే దీనిపై మరింత క్లారిటీ రావాల్సి ఉంది. ఈ చిత్రాన్ని టీ సిరీస్, భద్రకాళి పిక్చర్స్ సంయుక్తంగా నిర్మించనున్నాయి. ఈ సినిమాకు హర్షవర్దన్ రామేశ్వర్ సంగీతం అందించనున్నారు. ఈ సినిమా మెయిన్ స్టోరీ కొత్తగా ఉంటుందని టాక్.
ఇవి కూడా చదవండి :