Sarkaru Vaari Paata Collections : బాక్సాఫీస్ వద్ద సర్కారు వారి పాట ఊచకోత.. కలెక్షన్స్ ఆల్ టైం రికార్డ్..

Sarkaru Vaari Paata

సక్సెస్ ఫుల్ డైరెక్టర్ పరశురామ్ దర్శకత్వంలో సూపర్ స్టార్ మహేష్ బాబు (Mahesh Babu) నటించిన లేటేస్ట్ సినిమా సర్కారు వారి పాట. మే 12న విడుదలైన ఈ సినిమా బాక్సాఫీస్ ను షేక్ చేస్తుంది. విడుదలైన మొదటి రోజు నుంచే బ్లాక్ బస్టర్ టాక్‏తో దూసుకుపోతున్న ఈ సినిమా వసూళ్ల విషయంలోనూ తగ్గడం లేదు.. తెలుగు రాష్ట్రాల్లోనే కాకుండా యూఎస్ లోనూ మహేష్ మేనియా కొనసాగుతుంది. ఇప్పటికే రూ. 150 కోట్లకు పైగా కలెక్షన్లు సాధించిన సర్కారు వారి పాట.. ఇప్పుడు ఆల్ టైమ్ రికార్డ్ క్రియేట్ చేసింది.. ఇప్పటివరకు ఈ సినిమా రూ. 200 కోట్ల గ్రాస్ రాబట్టినట్లు చిత్రయూనిట్ ప్రకటించింది.. చిత్రనిర్మాణ సంస్థ మైత్రీ మూవీ మేకర్స్ ఈ విషయాన్ని తెలియజేస్తూ సరికొత్త పోస్టర్ రిలీజ్ చేసింది.

మహేష్.. కీర్తి సురేష్ జంటగా నటించిన ఈ సినిమా థియేటర్ల వద్ద కలెక్షన్ల సునామీ సృష్టిస్తోంది. ఈ చిత్రాన్ని మైత్రీ మూవీ మేకర్స్, 14 రీల్స్, మహేష్ సొంత నిర్మాణ సంస్థ జీఎంబీ ఎంటర్టైన్మెంట్స్ సంయుక్తంగా నిర్మించగా.. మ్యూజిక్ డైరెక్టర్ తమన్ సంగీతం అందించారు. మరోవైపు ఈ మూవీలోని ప్రతి పాట యూట్యూబ్ లో మిలియన్ వ్యూస్‏తో సాధించి సెన్సెషన్ క్రియేట్ చేస్తున్నాయి. ఈ సినిమాలో సముద్రఖని, వెన్నెల కిషోర్, సుబ్బరాజు, తనికెళ్ల భరణి కీలకపాత్రలలో నటించారు. ఈ సినిమా తర్వాత మహేష్ ప్రస్తుతం త్రివిక్రమ్ దర్శకత్వంలో ఓ మూవీ చేస్తున్న సంగతి తెలిసిందే. వచ్చే నెలలో ఈ సినిమా రెగ్యూలర్ షూటింగ్ ప్రారంభంకాబోతుంది.

ట్వీట్..