Nithiin’s Maestro : స్పీడ్ పెంచిన యంగ్ హీరో.. ‘మ్యాస్ట్రో’ చివరి షెడ్యూల్ కూడా మొదలు పెట్టిన టీమ్..

టాలీవుడ్ యంగ్ హీరో నితిన్..హిట్టు, ప్లాపులతో సంబంధం లేకుండా వరుస సినిమాలతో ప్రేక్షకులను అలరిస్తున్నాడు. ఈ సంవత్సరంలోని ఇప్పటికే రెండు సినిమాలను విడుదల చేసారు నితిన్.

Updated on: Jun 14, 2021 | 1:04 PM

Nithiin’s Maestro :

టాలీవుడ్ యంగ్ హీరో నితిన్..హిట్టు, ప్లాపులతో సంబంధం లేకుండా వరుస సినిమాలతో ప్రేక్షకులను అలరిస్తున్నాడు. ఈ సంవత్సరంలోని ఇప్పటికే రెండు సినిమాలను విడుదల చేసారు నితిన్. అందులో చెక్ సినిమా ఆశించనంతగా హిట్ కాకపోగా.. ఇటీవలే విడుదలైన రంగ్ దే మూవీ పాజిటివ్ టాక్ ను సొంతం చేసుకుంది. ఇదిలా ఉండగా… ముచ్చటగా మూడో చిత్రాన్ని వీలైనంత త్వరగా థియేటర్లలోకి తీసుకువచ్చేందుకు సన్నాహాలు చేస్తున్నాడు ఈ యంగ్ హీరో. మేర్లపాక గాంధీ దర్శకత్వంలో శ్రేష్ఠ్ మూవీస్ బ్యానర్ పై ఓ సినిమా చేస్తున్న సంగతి తెలిసిందే. ఈ సినిమాకు మ్యాస్ట్రో అనే ఇంట్రస్టింగ్ టైటిల్ ను ఫిక్స్ చేశారు. ఇందులో నితిన్ సరసన ఇస్మార్ట్ బ్యూటీ నభా నటేష్ నటిస్తుండగా.. మిల్కీబ్యూటీ తమన్నా ఓ కీలక పాత్రలో నటిస్తోంది. చాలావరకూ షూటింగును ఇప్పటికే కానిచ్చేశారు. చివరి షెడ్యూల్ చేయాలని అనుకుంటూ ఉండగా కరోనా ప్రభావం పెరిగిపోయింది.

ఈ సినిమా టీమ్ స్పీడ్ పెంచింది. చివరి షెడ్యూల్ ను హైదరాబాద్ లో ప్లాన్ చేశారు. ఈ రోజున ఈ సినిమా షూటింగు మొదలైపోయింది. మహతి స్వరసాగర్ ఈ సినిమాకి సంగీతాన్ని అందిస్తున్నాడు. ఇటీవల నితిన్ చేసిన ‘చెక్’ సినిమా నిరాశ పరిచింది. అలాగే ‘రంగ్ దే’ పర్లేదు అనిపించుకుంది. అందువలన ఈ సినిమాతో తప్పకుండ హిట్ కొట్టాలనే పట్టుదలతో ఉన్నాడు ఈ కుర్ర హీరో.

మరిన్ని ఇక్కడ చదవండి :