Ivana: కేరళ నుంచి టాలీవుడ్లోకి అడుగుపెడుతున్న మరో క్యూట్ కుట్టి.. ఇవాన అందానికి ఫిదా అవ్వాల్సిందే
మనదగ్గర రాణిస్తున్న వయ్యారి భామలంతా ఇతర రాష్ట్రాల నుంచి వచ్చిన వారే.. ముఖ్యంగా కేరళ, కన్నడ నుంచి ఎక్కువ మంది ముద్దుగుమ్మలు టాలీవుడ్లోకి అడుగుపెడుతున్నారు.
Updated on: Nov 20, 2022 | 12:50 PM
ఇటీవల టాలీవుడ్ కు ఇతర ప్రాంతాలనుంచి హీరోయిన్లు వరదల్లా వచ్చి పడుతున్నారు. టాలెంట్ ఉంటే టాలీవుడ్ లో తిరుగుండదు అని ఇప్పటికే చాలా మంది హీరోయిన్స్ నిరూపించుకున్నారు. మనదగ్గర రాణిస్తున్న వయ్యారి భామలంతా ఇతర రాష్ట్రాల నుంచి వచ్చిన వారే.. ముఖ్యంగా కేరళ, కన్నడ నుంచి ఎక్కువమంది ముద్దుగుమ్మలు టాలీవుడ్లోకి అడుగుపెడుతున్నారు. అటు బాలీవుడ్ భామలు సైతం మన వైపే చేస్తున్నారు. ఈ క్రమంలోనే ఇప్పుడు కేరళ నుంచి మరో అందాల కుట్టి తెలుగు ప్రేక్షకులకు పరిచయం కాబోతుంది. ఆ భామ ఎవరోకాదు ఇవాన. చూడచక్కని రూపం ఈ అమ్మడి సొంతం.. పక్కింటి అమ్మాయిలా కనిపించడమే కాదు నటనతోనూ ఆకట్టుకుంటుంది ఈ చిన్నది. రీసెంట్ గా లవ్ టుడే సినిమా తో మంచి విజయాన్ని అందుకుంది ఇవాన.
ఇక ఇప్పుడు ఈ సినిమా తెలుగులో రిలీజ్ కానుంది. ఇప్పటికే తమిళ్ లో విడుదలై మంచి హిట్ సాధించిన ఈ సినిమాను ఇప్పుడు తెలుగులో రిలీజ్ చేస్తున్నారు. ప్రదీప్ రంగనాథన్ దర్శకత్వంతోపాటు హీరోగా నటించిన లవ్ టుడే సినిమా సినిమా సూపర్ హిట్ అయ్యింది. చిన్న సినిమాగా వచ్చిన ఈ మూవీ భారీగానే వసూళ్లు రాబడుతోంది. ఈ సినిమాలో హీరోయిన్ గా నటించింది ఇవాన.
కేరళలో పుట్టిపెరిగిన ముద్దుగుమ్మ 2012 లోనే మాస్టర్స్ అనే మలయాళ సినిమా ద్వారా పరిచయమైంది. ఆ తర్వాత రాణి పద్మిని,అనురాగ కరికిన్ వెల్లం లాంటి సినిమాలు చేసింది. అక్కడ కొంత క్రేజ్ ను సంపాదించుకుని, 2018లో కోలీవుడ్ ఎంట్రీ ఇచ్చింది. జీవి ప్రకాశ్ కుమార్ జోడీగా నాచియార్ సినిమా ద్వారా ఇవాన పరిచయమైంది. మరి ఇప్పుడు తెలుగులోకి పరిచయం అవుతుంది. చూడాలి ఈ చిన్నదానికి తెలుగులో ఎలాంటి ఆవకాశాలు వస్తాయో..
