Keerthy Suresh: ఫాలోవర్లకు ఛాలెంజ్ చేసిన కళావతి.. అదుర్స్ అనిపిస్తున్న కీర్తి సురేష్ వీడియో..

ప్రస్తుతం సోషల్ మీడియాలో హీరోయిన్స్ సరికొత్త ఛాలెంజ్‏లు చేసుకోవడం ట్రెండ్‏గా మారింది గత కొద్ది రోజులుగా పలు రకాల ఛాలెంజెస్ నెట్టింట్లో చక్కర్లు కొడుతున్నాయి.

Rajitha Chanti |
Updated on: Feb 21, 2022 | 4:31 PM

ప్రస్తుతం సోషల్ మీడియాలో హీరోయిన్స్ సరికొత్త ఛాలెంజ్‏లు చేసుకోవడం ట్రెండ్‏గా మారింది గత కొద్ది రోజులుగా పలు రకాల ఛాలెంజెస్ నెట్టింట్లో చక్కర్లు కొడుతున్నాయి. ఇప్పటికే తమన్నా, పూజా హెగ్డే వంటి స్టార్ హీరోయిన్స్ తమ ఫాలోవర్లకు ఛాలెంజ్ చేసిన సంగతి తెలిసిందే. . తమ లేటేస్ట్ చిత్రాల్లోని సూపర్ హిట్ పాటలకు తమస్టైల్లో స్టెప్పులేస్తూ.. తమ ఫాలోవర్లను అదేమాదిరిగా డ్యాన్స్ చేయాలని ఛాలెంజ్ విసురుతున్నారు. తాజాగా స్టార్ హీరోయిన్ కీర్తి సురేష్ (Keerthy Suresh) సైతం సోషల్ మీడియాలో డ్యాన్స్ ఛాలెంజ్ చేసింది.

సూపర్ స్టార్ మహేష్ బాబు ప్రధాన పాత్రలో నటిస్తున్న లేటేస్ట్ చిత్రం సర్కారు వారి పాట. ఈ సినిమాకు పరుశురామ్ దర్శకత్వం వహిస్తున్నారు. ఇందులో మహేష్ సరసన కీర్తి సురేష్ హీరోయిన్‏గా నటిస్తోంది. ఇటీవల ఈ సినిమా నుంచి విడుదలైన కళావతి సాంగ్ యూట్యూబ్‏లో దూసుకుపోతుంది. ప్రస్తుతం నెట్టింట్లో కళావతి హవా నడుస్తోంది. ఇప్పటికే ఈ పాటకు మహేష్ కూతురు సితార అద్భుతంగా డ్యాన్స్ చేసింది. తాజాగా ఈ పాటకు కీర్తి సురేష్ స్టెప్పులేసింది. ఈ వీడియోను తన ఇన్ స్టా ఖాతాలో షేర్ చేయగా.. క్షణాల్లో తెగ వైరల్ అవుతుంది. కీర్తి స్టెప్పులకు నెటిజన్స్ ఫిదా అవుతున్నారు.

ఇప్పటికే సర్కారు వారి పాట సినిమా నుంచి విడుదలైన పోస్టర్స్, వీడియోస్ మంచి రెస్పాన్స్ వస్తుంది. ఇందులో మహేష్ సరికొత్త లుక్‏లో కనిపించబోతుండడంతో ఈ సినిమా కోసం అభఇమానులు ఎంతో ఆసక్తిగా ఎదురుచూస్తున్నారు. ప్రస్తుతం శరవేగంగా జరుపుకుంటున్న ఈ మూవీ మే 12న ప్రేక్షకుల ముందుకు రానుంది.