Anchor Divya: కూతురే కొడుకై.. తండ్రికి అంత్యక్రియలు నిర్వహించిన ప్రముఖ యాంకర్.. వీడియో చూస్తే కన్నీళ్లాగవు

సాధారణంగా ఇంట్లో ఎవరైనా మరణిస్తే వారి వారసులు అంత్యక్రియలు నిర్వహిస్తారు. అంటే కుమారులే తల్లిండ్రుల అంతిమ సంస్కారాలు నిర్వహిస్తారు. అయితే కొన్ని సందర్భాల్లో కుమార్తెలే తమ కన్నవారికి తల కొరివి పెడుతుంటారు. కొడుకులు ఉన్నా పట్టించుకోకపోవడం, అసలు కుమారులే లేకపోవడం తదితర సందర్భాల్లో కుమార్తెలే అంతిమ సంస్కారాలు నిర్వహిస్తుంటారు

Anchor Divya

Basha Shek |

Updated on: Jul 27, 2024 | 9:26 PM

సాధారణంగా ఇంట్లో ఎవరైనా మరణిస్తే వారి వారసులు అంత్యక్రియలు నిర్వహిస్తారు. అంటే కుమారులే తల్లిండ్రుల అంతిమ సంస్కారాలు నిర్వహిస్తారు. అయితే కొన్ని సందర్భాల్లో కుమార్తెలే తమ కన్నవారికి తల కొరివి పెడుతుంటారు. కొడుకులు ఉన్నా పట్టించుకోకపోవడం, అసలు కుమారులే లేకపోవడం తదితర సందర్భాల్లో కుమార్తెలే అంతిమ సంస్కారాలు నిర్వహిస్తుంటారు. కేవలం సామాన్యులే కాదు.. వివిధ రంగాలకు చెందిన మహిళా సెలబ్రిటీలు కూడా తమ కన్నవారి చితికి నిప్పంటించడం మనం చూశాం . తాజాగా ఓ ప్రముఖ యాంకర్ కూడా ఇలాగే తన కన్న తండ్రికి తల కొరివి పెట్టింది. దీనికి సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. వివరాల్లోకి వెళితే.. ప్రముఖ కన్నడ యాంకర్ దివ్య ఆలూర్ తండ్రి ఆలూర్ నాగప్ప కన్నుమూశారు. మంచి జానపద గాయకుడు, రచయితగా గుర్తింపు తెచ్చుకున్న ఆయన గత కొంత కాలంగా తీవ్ర అనారోగ్య సమస్యలతో బాధపడుతున్నారు. వృద్ధాప్య సమస్యలతోనూ సతమతమవుతోన్న ఆయన గత కొన్ని రోజులుగా బెంగళూరులోని కిమ్స్ ఆస్పత్రిలో చికిత్స పొందుతున్నారు. అయితే తాజాగా ఆయన పరిస్థితి విషమించడంతో కన్నుమూశారు. దీంతో నాగప్ప కుటుంబ సభ్యులు శోకసంద్రంలో మునిగిపోయారు.

కాగా నాగప్పకు కొడుకులు లేరు. దీంతో కుమార్తె యాంకర్ దివ్యనే కొడుకుగా మారింది. తమ కుటుంబ ఆచార పద్ధతుల ప్రకారం తండ్రికి అంతిమ సంస్కారాలు నిర్వహించింది. దీనికి సంబంధించిన వీడియోను సోషల్ మీడియాలో షేర్ చేసుకున్న ఆమె తన తండ్రితో ఉన్న అనుబంధాన్ని గుర్తుకు తెచ్చుకుని ఎమోషనలైంది. ‘ మానాన్న ఇక లేరనే నిజాన్ని జీర్ణించుకోలేకపోతున్నాను. ఆయన మరణం మాకు పెద్ద లోటు’ అని కన్నీరుమున్నీరైంది. ఈ పోస్ట్ ప్రస్తుతం సోషల్ మీడియాలో వైరల్ గా మారింది. తండ్రికి అంతిమ సంస్కారాలు నిర్వహించిన దివ్యపై ప్రశంసలు వెల్లువెత్తుతున్నాయి. అలాగే నాగప్ప మృతిపై ప్రముఖ సెలబ్రిటీలు సంతాపం తెలియజేస్తున్నారు. దివ్య కుటుంబానికి ధైర్యం చెబుతున్నారు.

ఇవి కూడా చదవండి