iBOMMA: ఐబొమ్మ మళ్లీ వచ్చేసింది.. సడెన్‌గా ప్రత్యక్షమైన వెబ్ సైట్!

ఐ బొమ్మ వెబ్ సైట్ మళ్లీ యాక్టివ్ కావడం ఇప్పుడు చర్చనీయాంశమైంది.  ఇప్పుడు మళ్లీ ఎవరు మొదలు పెట్టారు?.. పోలీసులు ఇంత కఠినంగా వ్యవహరిస్తున్నా.. దాన్ని మళ్లీ ఎందుకు యాక్టివ్ చేశారు అన్న ప్రశ్నలు తలెత్తుతున్నాయి. నెట్టింట సంచలనం రేపుతున్న ఐబొమ్మ వెబ్ సైట్ మళ్లీ వచ్చేసింది. సినిమా విడుదలైన గంటల్లోనే కొత్త సినిమాలు ఈ వెబ్ సైట్ లో ప్రత్యక్షం అవుతున్నాయి. ఈ పరిణామం ఇప్పుడు సర్వత్రా తీవ్ర చర్చనీయాంశంగా మారింది.

గతంలో ఈ వెబ్‌సైట్‌లో అప్ లోడ్ అవుతున్న పైరసీ సినిమాల వ్యవహారంలో ఇమంది రవి అరెస్ట్ అయ్యారు. ఆయన అరెస్టుతో ఈ వెబ్ సైట్ వ్యవహారానికి పూర్తిగా బ్రేక్ పడిందని అంతా భావించారు.  రవి అరెస్ట్ అయినప్పటి నుంచి ఐ బొమ్మ వెబ్ సైట్‌లో ఎలాంటి ఆక్టివిటీ లేదు. తమ కార్యకలాపాలు ఆపేస్తున్నట్లు ఆ వెబ్‌సైట్ ప్రకటన కూడా విడుదల చేసింది. దీంతో ఈ సైట్ కథ ముగిసిందని అనుకున్నారు.  అయితే, కేసుల నేపథ్యంలో గతంలో అరెస్ట్ అయిన రవి ఇప్పుడు బెయిల్‌పై ఉన్నారు. ఆయన ప్రస్తుతం బయట ఉండటం ఈ వ్యవహారంలో కీలక ఘట్టం.

రవి బెయిల్‌పై ఉన్న ఈ సమయంలోనే, సడెన్‌గా ఐ బొమ్మ వెబ్ సైట్ మళ్లీ ప్రత్యక్షం కావడం ఇప్పుడు హాట్ టాపిక్ గా మారింది.  అంతేకాకుండా యాక్టివిటీ లేని ఈ వెబ్ సైట్ నుంచి ఇప్పుడు మళ్లీ వరుసగా కొత్త సినిమాలు రావడం మొదలైంది. థియేటర్లలో కొత్త సినిమాలు విడుదలైన గంటల్లోనే వెబ్ సైట్లో ప్రత్యక్షం అవుతున్నాయి. ఈ నేపథ్యంలో పలు అనుమానాలు వ్యక్తమవుతున్నాయి. అసలు ఇప్పుడు ఈ ఐ బొమ్మ వెబ్ సైట్ ను మళ్లీ ఎవరు మొదలు పెట్టారు అన్నది ప్రధాన ప్రశ్నగా మారింది.

బెయిల్‌పై ఉన్న రవికి ఇందులో ఏమైనా ప్రమేయం ఉందా, లేక తెర వెనుక ఇంకెవరైనా ఈ కార్యకలాపాలను నిర్వహిస్తున్నారా అన్నది తేలాల్సి ఉంది.  ఏది ఏమైనా.. చాలా కాలంగా ఆగిపోయిన ఐ బొమ్మ వ్యవహారం ఇప్పుడు మళ్లీ తెరపైకి రావడం, సడెన్ గా వెబ్ సైట్ ప్రత్యక్షం కావడం తీవ్ర కలకలం రేపుతోంది.

మరిన్ని సినిమా వార్తల కోసం ఇక్కడ క్లిక్ చేయండి.