దర్శక ధీరుడు రాజమౌళి తెరకెక్కించిన సినిమాల్లో బ్లాక్ బస్టర్ మూవీ ఈగ ఒకటి. నాని హీరోగా నటించిన ఈ సినిమా ప్రేక్షకులను విపరీతంగా ఆకట్టుకుంది. 2012లో విడుదలైన ఈ సినిమా నయా రికార్డ్ క్రియేట్ చేసింది. ఒక ఈగతో సినిమా చేయడం మాములు విషయం కాదు. రాజమౌళి చేసిన ఈ ప్రయోగం ప్రేక్షకులను బాగా ఆకట్టుకుంది. అలాగే ఈ సినిమాలో కన్నడ స్టార్ హీరో సుదీప్ విలన్ గా నటించారు. ఈ సినిమా విడుదలై 12 ఏళ్ళు పూర్తయ్యాయి. ఇప్పుడు ఈ చిత్రానికి సీక్వెల్ వస్తుందా.? అని చాలా మంది ఎదురుచూస్తున్నారు. ఇప్పటికే చాలా సూపర్ హిట్ సినిమాలు సీక్వెల్ గా వస్తున్నాయి. అలాగే నాని ఈగ సినిమాకు కూడా సీక్వెల్ వస్తుందా అనే ప్రశ్నకు నాని ఆసక్తికర సమాధానం చెప్పాడు. నాని ప్రస్తుతం తన అప్ కమింగ్ మూవీ సరిపోదా శనివారం ప్రమోషన్స్ లో బిజీగా ఉన్నారు.
ఈ సినిమా ప్రమోషన్స్ లో భాగంగా ఈగ సీక్వెల్ గురించి మాట్లాడారు నాని. ఇండియన్ సినిమాకు ‘ఈగ’ సినిమా ఓ గేమ్ ఛేంజర్. ‘ఈగ’ కథను రాజమౌళి తండ్రి విజయేంద్ర ప్రసాద్ రాశారు. ‘దీని గురించి నేను విజయేంద్ర ప్రసాద్ని అడగలేదు. ఈ విషయం రాజమౌళి దగ్గర మాములుగా చర్చించాను. ఏమైంది సార్ నేను మళ్లీ వస్తాను ఈగ సీక్వెల్ చేద్దాం అంటే ..ఈగ సీక్వెల్ కు నువ్వేం అవసరం లేదని నవ్వుకునేవారు’ అని నాని అన్నారు. సరైన సమయం వచ్చినప్పుడు ‘ఈగ 2’ చేస్తానని నాని చెప్పాడు.
రాజమౌళి దర్శకత్వంలో ‘ఆర్ఆర్ఆర్’ చిత్రానికి సీక్వెల్ రానుందని అంటున్నారు. రాజమౌళి దీని పై ఎక్కడ మాట్లాడలేదు.అలాగే ఆయనకు ‘ఈగ’కి సీక్వెల్ తీసే ఆలోచన కూడా లేదని తెలుస్తోంది. ప్రస్తుతం మహేష్ బాబు సినిమా పనుల్లో నిమగ్నమై ఉన్నాడు రాజమౌళి. ఈ సినిమాను గ్లోబల్ రేంజ్ లో తెరకెక్కిస్తున్నారు. ఆఫ్రికన్ అడవుల నేపథ్యంలో ఈ సినిమా ఉంటుందని టాక్. అలాగే ఈ మూవీకి గరుడ అనే టైటిల్ ను పరిశీలిస్తున్నారని తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.