Tollywood: చిరునవ్వుతోనే భయపెడుతూ.. మాంత్రికుడిలా మారిపోయిన స్టార్‌ హీరో.. ఎవరో గుర్తుపట్టారా?

చిరునవ్వుతోనే భయపెడుతూ.. మాంత్రికుడిలా మారిపోయిన ఈ స్టార్‌ హీరోను గుర్తుపట్టారా?నటనకు డిక్షనరీ ఈ రూపం. సినిమా ఇండస్ట్రీలో ఆయననది 40 ఏళ్ల అనుభవం. తన వెర్సటైల్‌ యాక్టింగ్‌తో ఎలాంటి పాత్రలపైనా ప్రాణం పోస్తారాయన. అందుకే ఆయనకు ఎంతోమంది అభిమానులున్నారు. అలాగే తన నటనా ప్రతిభకు గుర్తింపుగా లెక్కలేనన్నీ అవార్డులు,ప్రశంసలు అందుకున్నారు. పేరుకు..

Senior Hero

Basha Shek |

Updated on: Sep 08, 2023 | 4:09 PM

చిరునవ్వుతోనే భయపెడుతూ.. మాంత్రికుడిలా మారిపోయిన ఈ స్టార్‌ హీరోను గుర్తుపట్టారా?నటనకు డిక్షనరీ ఈ రూపం. సినిమా ఇండస్ట్రీలో ఆయననది 40 ఏళ్ల అనుభవం. తన వెర్సటైల్‌ యాక్టింగ్‌తో ఎలాంటి పాత్రలపైనా ప్రాణం పోస్తారాయన. అందుకే ఆయనకు ఎంతోమంది అభిమానులున్నారు. అలాగే తన నటనా ప్రతిభకు గుర్తింపుగా లెక్కలేనన్నీ అవార్డులు,ప్రశంసలు అందుకున్నారు. పేరుకు మలయాళీనే అయినా.. తెలుగు ప్రేక్షకులకు కూడా ఈ సీనియర్‌ హీరో బాగా సుపరిచతం. హీరోగా పలు స్ట్రెయిట్‌ సినిమాల్లో నటించారు. అలాగే స్పెషల్‌ రోల్స్‌లోనూ సందడి చేశారు. ఇటీవలే పుట్టిన రోజు జరుపుకొన్న ఈ సీనియర్‌ హీరో తన కొత్త సినిమాను ప్రకటించారు. ఇందులో చిరునవ్వుతోనే కనిపిస్తూ అందరినీ భయపెట్టేశారాయన. మాంత్రికుడి గెటప్‌లో సరికొత్తగా కనిపించి ఫ్యాన్స్‌కు సర్‌ప్రైజ్‌ ఇచ్చారు. మరీ ఇంతకీ ఈ వెర్సటైల్‌ యాక్టర్‌ఎవరో గుర్తుపట్టారా? కష్టంగా ఉందా? అయితే ఓ క్లూ.. కొన్ని నెలల క్రితం అక్కినేని అఖిల్‌తో కలిసి ఓ స్ట్రెయిట్‌ తెలుగు సినిమాలో నటించాడీ మలయాళ స్టార్‌ హీరో. ఇప్పుడైనా గుర్తుపట్టారా? ఆయన మరెవరో కాదు మలయాళ సీనియర్‌ హీరో మమ్ముట్టి.

యాత్ర, ఏజెంట్‌ సినిమాలతో తెలుగు ప్రేక్షకులను పలకరించిన మమ్ముట్టి ఈ సారి మాంత్రికుడిగా మనల్ని భయపెట్టేందుకు వస్తున్నారు. ఆయన నటిస్తోన్న తాజా చిత్రం భ్ర‌మ‌యుగం. గతంలో భూతకాలం సినిమాతో అందరినీ ఆకట్టుకున్నరాహుల్ సదాశివన్ ఈ సినిమాకు ద‌ర్శ‌క‌త్వం వ‌హిస్తున్నాడు. పాన్‌ ఇండియా స్థాయిలో తెరకెక్కుతోన్న ఈ సినిమాలో అర్జున్‌ అశోకన్‌, సిద్ధార్థ్‌, భరతన్‌ తదితరులు కీలక పాత్రలు పోషించారు. మమ్ముట్టి పుట్టిన రోజు సందర్భంగా తాజాగా భ్రమయుగం నుంచి ఆయన ఫస్ట్‌లుక్‌ పోస్టర్‌ను రిలీజ్‌ చేశారు మేకర్స్‌. ఇందులో చిన్న చిరునవ్వుతోనే భయపెట్టించారాయన. ప్రస్తుతం మమ్ముట్టి పోస్ట్‌ సోషల్‌ మీడియాలో తెగ వైరలవుతోంది. ఆయనకు జన్మదిను శుభాకాంక్షలు తెలుపుతూ, సినిమా సూపర్‌ హిట్‌ కావాలంటూ ఫ్యాన్స్ పోస్టులు పెడుతున్నారు. ఇక కేరళలోని చీకటి యుగాల నేపథ్యంలో భ్రమయుగం తెరకెక్కనున్నట్లు తెలుస్తోంది. ఈ చిత్రాన్ని నైట్ షిఫ్ట్ స్టూడియోస్, వై నాట్ స్టూడియోస్ సంయుక్తంగా నిర్మిస్తున్నాయి.

ఇవి కూడా చదవండి