కింగ్ నాగార్జున అన్నయ్య అనే పిలిచే ఏకైక హీరో ఎవరో తెలుసా.?

టాలీవుడ్ కింగ్ నాగార్జున ప్రస్తుతం బ్యాక్ టు బ్యాక్ సినిమాలు చేస్తూ అలరిస్తున్నారు. త్వరలోనే తన 100వ సినిమాతో ప్రేక్షకుల ముందుకు రానున్నారు నాగ్. నాగ్ హీరోగా సినిమాలు చేస్తూనే సపోర్టింగ్ రోల్స్ కూడా చేస్తున్నారు. మొన్నటివరకు హీరోగా సోలో సినిమాలు చేసిన నాగ్.. ఆ తర్వాత ట్రాక్ మార్చి సహాయక పాత్రతో పాటు విలన్ గానూ సినిమా చేసి మెప్పించారు నాగార్జున. తమిళ్ స్టార్ హీరో ధనుష్ హీరోగా నటించినకుబేర సినిమాలో నాగార్జున కీలక పాత్రలో నటించారు నాగార్జున. శేఖర్ కమ్ముల దర్శకత్వంలో వచ్చిన ఈ సినిమా మంచి విజయాన్ని అందుకుంది. ఈ సినిమా తర్వాత సూపర్ స్టార్ రజినీకాంత్ హీరోగా నటించిన కూలీ సినిమాలో నెగిటివ్ పాత్రలో నటించి అదరగొట్టారు నాగార్జున.

ఇక ఇప్పుడు మరోసారి సోలో హీరోగా సినిమా చేస్తున్నారు. నాగ్ త్వరలోనే తన కెరీర్ లో 100వ సినిమా చేస్తున్నారు. ఈ సినిమాను సంథింగ్ స్పెషల్ గా ఉండేలా ప్లాన్ చేసుకుంటున్నారు. ఇందులో అఖిల్, నాగ చైతన్య గెస్ట్ రోల్స్ చేస్తున్నారని ప్రచారం జోరుగా జరుగుతుంది. అయితే ఈ సినిమాకు సంబంధించిన ఏ విషయాన్ని ఇప్పటివరకు అధికారికంగా ప్రకటించలేదు. అలాగే ఈ సినిమాలో స్టార్ హీరోయిన్ టబు నటిస్తుందని తెలుస్తుంది. అది కూడా ఆమె నెగిటివ్ షేడ్స్ ఉన్న పాత్రలో కనిపించనుందని తెలుస్తుంది.

ఇదిలా ఉంటే నాగార్జున ఇండస్ట్రీలో అన్నయ్య అని పిలిచే ఏకైక వ్యక్తి ఎవరో తెలుసా.? ఈ విషయాన్నీ నాగార్జుననే ఓ సందర్భంలో స్టేజ్ పై పంచుకున్నారు. నాగార్జున అన్నయ్య అని పిలిచే హీరో మరెవరో కాదు దివంగత నటుడు నందమూరి హరికృష్ణ. నాగ్, హరి కృష్ణ మధ్య మంచి బాండింగ్ ఉండేది. అలాగే నాగార్జున, హరికృష్ణ కలిసి సీతారామరాజు అనే సినిమాలో నటించారు. ఈ సినిమాలో నాగ్, హరికృష్ణ అన్నదమ్ములుగా కనిపించారు. అప్పటి నుంచి ఈ ఇద్దరి మధ్య మంచి అనుబంధం ఏర్పడింది. అప్పటి నుంచి హరికృష్ణను హరి అన్న అని పిలుస్తుంటారు నాగార్జున. హరికృష్ణ మరణం తనను ఎంతగానో బాధపెట్టిందని నాగార్జున గతంలో ఓ సినిమా ప్రీ రిలీజ్ ఈవెంట్ లో తెలిపారు. నందమూరి హరికృష్ణను హరి అన్నయ్య అని పిలుస్తా.., ఆ బంధం గురించి మాటల్లో చెప్పలేను. ఆయన మరణవార్త తన పుట్టినరోజు నాడే వచ్చిందని ఎమోషనల్ అయ్యారు నాగార్జున.