Tollwood: ఒక్క పాటకు రూ.50 లక్షలు.. ఇండియాలో అధికంగా రెమ్యునరేషన్ తీసుకునే కొరియోగ్రాఫర్ ఎవరో తెలుసా.. ?

సాధారణంగా సినీరంగంలో స్టార్ హీరోహీరోయిన్స్ ఒక్కో సినిమాకు కోట్లలో పారితోషికం తీసుకుంటారు. కానీ మీకు తెలుసా.. ? కొరియోగ్రాఫర్స్, డైరెక్టర్స్ సైతం ఇప్పుడు భారీగానే రెమ్యునరేషన్ తీసుకుంటున్నారు. ఇప్పుడు భారతీయ సినీరంగంలో అత్యధిక పారితోషికం తీసుకుంటున్న కొరియోగ్రాఫర్ ఎవరో తెలుసా.. ?

Farah Khan

Rajitha Chanti |
Updated on: Jun 12, 2025 | 2:19 PM

సాధారణంగా సినిమాలకు మ్యూజిక్ ప్రాణం. కొన్ని సందర్భాలలో కేవలం పాటలతోనే మ్యూజికల్ హిట్స్ అయిన సినిమాలు చాలా ఉన్నాయి. అందుకే ఇప్పుడు ఒక్కో సినిమాకు సంగీత దర్శకులు సైతం భారీగానే పారితోషికం తీసుకుంటున్నారు. కానీ ఒక్క పాటకు డ్యాన్స్ నేర్పించే ఒక కొరియోగ్రాఫర్ ఎంత వసూలు చేస్తాడో ఎవరికైనా తెలుసా.. ? నిజానికి ఒక పాటలో హీరోహీరోయిన్స్ తెరపై ఎలా కనిపిస్తారు అనే విషయాన్ని దర్శకులు చాలా జాగ్రత్తగా చూసుకుంటారు. అందుకే ఇప్పుడు సినిమాకు కొరియోగ్రాఫర్స్ చాలా ముఖ్యమైనవారు. భారతీయ సినీ పరిశ్రమలో అత్యుత్తమ కొరియోగ్రాఫర్స్ గురించి మనం చాలాసార్లు మాట్లాడుకుంటున్నాం. కానీ అధికంగా పారితోషికం తీసుకునే కొరియోగ్రాఫర్ ఎవరో తెలుసా.. ?

ఆమె మరెవరో కాదు.. బాలీవుడ్ కొరియోగ్రాఫర్ ఫరా ఖాన్. ఆమె దేశంలోనే అత్యధిక పారితోషికం పొందుతున్న కొరియోగ్రాఫర్. నివేదికల ప్రకారం ఆమె ఒక పాటకు రూ.50 లక్షల వరకు రెమ్యునరేషన్ తీసుకుంటుందట. ఆ తర్వాత రెమో డిసౌజా, గణేష్ హెగ్డే, వైభవి మర్చంట్ సైతం ఎక్కువగా వసూలు చేస్తారు. డ్యాన్సర్ గా కెరీర్ ప్రారంభించిన ఫరా ఖాన్ మొదటి చిత్రం జల్వా. ఆతర్వాత కబీ హాన్ కభీ నాలో సినిమాతో ఫేమస్ అయ్యింది. కెరీర్ తొలి నాళ్లల్లో ఆరు పాటలకు కొరియోగ్రఫీ చేసినందుకు తనకు రూ. 30,000 తీసుకున్నట్లు తెలిపింది.

కేవలం కొరియోగ్రఫీ మాత్రమే కాకుండా నటిగా, దర్శకురాలిగా గుర్తింపు తెచ్చుకుంది. అలాగే పలు డ్యాన్స్ రియాల్టీ షోలకు జడ్జీగా వ్యవహరించింది. నివేదికల ప్రకారం ఫరా ఖాన్ ఆస్తుల విలువ రూ.85 కోట్లకు పైగా ఉంటుంది.