పసివాడి ప్రాణం విలన్ గుర్తున్నాడా.? ఇప్పుడు ఎలా ఉన్నాడు? ఏం చేస్తున్నాడో తెలుసా?
మెగాస్టార్ చిరంజీవి కెరీర్‌లో ఆల్ టైం బ్లాక్ బస్టర్ హిట్ అయిన సినిమా పసివాడి ప్రాణం . ఈ సినిమా మంచివిజయాన్ని అందుకోవడమే కాదు అప్పటిలో మెగాస్టర్ క్రేజ్ ను డబుల్ చేసింది. ఈ సినిమా ప్రేక్షకులను విశేషంగా ఆకట్టుకుంది .
Updated on: Nov 13, 2026 | 8:15 PM
మెగాస్టార్ చిరంజీవి కెరీర్‌లో ఆల్ టైం బ్లాక్‌బస్టర్‌గా నిలిచిన చిత్రం పసివాడి ప్రాణం. ఈ సినిమా చిరు క్రేజ్‌ను ఆకాశానికి తీసుకెళ్లడమే కాకుండా, ఇందులో క్రూరమైన విలన్‌గా నటించిన నటుడికి కూడా విపరీతమైన గుర్తింపు తెచ్చిపెట్టింది. మాటలు రాని చిన్నారిని కిడ్నాప్ చేసి, చిరంజీవితో పోటాపోటీగా ఫైట్లు చేసి ప్రేక్షకులను భయపెట్టిన ఆ విలన్ పేరు బాబు ఆంటోనీ. ఆరడుగుల పైగా ఎత్తు, కండలు తిరిగిన శరీరం, అద్భుతమైన మార్షల్ ఆర్ట్స్ నైపుణ్యంతో అప్పట్లో టాలీవుడ్ ప్రేక్షకులపై ఆయన చెరగని ముద్ర వేశారు. కేవలం తెలుగులోనే కాకుండా తమిళం, మలయాళం, హిందీ, కన్నడ భాషల్లో విలన్‌గా, క్యారెక్టర్ ఆర్టిస్టుగా బాబు ఆంటోనీ 175కు పైగా చిత్రాల్లో నటించారు. ముఖ్యంగా తెలుగులో మెగాస్టార్ చిరంజీవితో ఆయన చేసిన సినిమాలు బాక్సాఫీస్ వద్ద కాసుల వర్షం కురిపించాయి. ‘పసివాడి ప్రాణం’ తర్వాత త్రినేత్రుడు, జేబు దొంగ, అడవిలో అభిమన్యుడు, లారీ డ్రైవర్, శత్రువు, చైతన్య, శాంతి క్రాంతి వంటి ఎన్నో సూపర్ హిట్ చిత్రాల్లో తన మార్క్ విలనిజంతో ఆకట్టుకున్నారు.
తెలుగు తెరపై గ్యాప్ తీసుకున్నప్పటికీ, ఇతర భాషల్లో బాబు ఆంటోనీ తన నటనా ప్రయాణాన్ని కొనసాగిస్తూనే ఉన్నారు. ఇటీవల మణిరత్నం దర్శకత్వంలో వచ్చిన ప్రతిష్ఠాత్మక చిత్రం ‘పొన్నియిన్ సెల్వన్’ సిరీస్‌తో పాటు, దళపతి విజయ్ నటించిన బ్లాక్‌బస్టర్ చిత్రం ‘లియో’లోనూ కీలక పాత్రలో మెరిసి పాన్-ఇండియా ప్రేక్షకులను అలరించారు.
సినిమాల కంటే కూడా తనకు ఎంతో ఇష్టమైన మార్షల్ ఆర్ట్స్‌నే బాబు ఆంటోనీ తన ప్రధాన వృత్తిగా మార్చుకున్నారు. మార్షల్ ఆర్ట్స్‌లో నిపుణుడైన ఆయన, అమెరికాతో పాటు భారతదేశంలోని పలు ప్రధాన నగరాల్లో తన పేరు మీదుగా మార్షల్ ఆర్ట్స్ శిక్షణ అకాడమీలను నిర్వహిస్తున్నారు. వేలాది మంది విద్యార్థులకు స్వయంగా ఆత్మరక్షణ విద్యల్లో శిక్షణ ఇస్తూ బిజీగా గడుపుతున్నారు. మంచి ప్రాధాన్యత ఉన్న పాత్రలు వస్తే మాత్రమే సినిమాల్లో నటిస్తున్నారు. బాబు ఆంటోనీ వ్యక్తిగత జీవితం విషయానికి వస్తే.. ఆయన రష్యన్-అమెరికన్ మహిళ ఇవాగ్నియాను వివాహం చేసుకున్నారు. ఈ దంపతులకు ఆర్థర్ ఆంటోనీ, అలెక్స్ ఆంటోనీ అనే ఇద్దరు కుమారులు ఉన్నారు. తండ్రి బాటలోనే పిల్లలు కూడా మార్షల్ ఆర్ట్స్‌లో రాణిస్తుండటం విశేషం. ప్రస్తుతం బాబు ఆంటోనీ అమెరికాలో స్థిరపడి, తన మార్షల్ ఆర్ట్స్ స్కూల్స్ వ్యవహారాలను చూసుకుంటూ కుటుంబంతో కలిసి సంతోషంగా జీవితాన్ని గడుపుతున్నారు.
మరిన్ని సినిమా వార్తల కోసం ఇక్కడ క్లిక్ చేయండి
