ఇదేందయ్యా ఇది..! మహేష్ సినిమాలో నటించిన ఈ బుడ్డోడు.. ఆ క్రేజీ హీరోనా.?
సూపర్ స్టార్ మహేష్ బాబు ఇప్పుడు వారణాసి సినిమాతో బిజీగా ఉన్నారు. ఈ మూవీపై ఇప్పటికే భారీ హైప్ నెలకొంది. గుంటూరు కారం సక్సెస్ తర్వాత మహేష్ నటిస్తున్న సినిమా ఇది. అలాగే ఈ చిత్రానికి డైరెక్టర్ ఎస్ ఎస్ రాజమౌళి దర్శకత్వం వహిస్తున్నారు. ఇందులో ప్రియాంక చోప్రా మందాకిని పాత్రలో నటిస్తుండగా.. మలయాళీ నటుడు పృథ్వీరాజ్ సుకుమారన్ కుంభ పాత్రలో కనిపించనున్నారు.
సూపర్ స్టార్ మహేష్ బాబు నటించిన నిజం సినిమాను అంతా సులభంగా ఎవ్వరూ మర్చిపోరు మరిచిపోరు. ఈ సినిమా రిజెల్ట్ ఎలా ఉన్నా ఆ సినిమాలో మహేష్ బాబు నటన అందరిని ఆకట్టుకుంది. తేజ దర్శకత్వంలో వచ్చిన ఈ సినిమాలో మహేష్ బాబు నటన విమర్శకుల ప్రశంసలు అందుకున్నారు. ఒక్కడు లాంటి మాస్ హిట్ తర్వాత మహేష్ ఎంచుకున్న డిఫరెంట్ స్టోరీ ఇది. ఈ సినిమా కమర్షియల్ గా హిట్ అవ్వకపోయినా పలు అవార్డులను సొంతం చేసుకుంది. ఈ సినిమాలో తాళ్ళూరి రామేశ్వరి, గోపిచంద్, హీరోయిన్ రాశి కీలక పాత్రల్లో నటించారు. ఈ సినిమాలో నటనకు గాను మహేష్ బాబుకు ఉత్తమ నటుడిగా, తాళ్ళూరి రామేశ్వరికి ఉత్తమ సహాయనటిగా నంది పురస్కారం లభించింది. అలాగే ఈ సినిమాను ఒడియాలో అర్జునగా, బంగ్లాదేశ్లో టాప్ లీడర్గా రీమేక్ చేయబడింది. ఇదిలా ఉంటే ఈ సినిమాలో స్టార్టింగ్ లో చందమామ రావే.. అంటూ సాగే ఒక పాట వస్తుంది.
ఇది కూడా చదవండి :RK Roja: ఒక్కహీరో కూడా నాకు లవ్ ప్రపోజ్ చేయలేదు.. కారణం ఏంటో చెప్పిన రోజా
టైటిల్ పడే సమయంలో వచ్చే ఈ పాటలో ఒక తల్లి తన బిడ్డకు చందమామను చూపిస్తూ గోరుముద్దలు తినిపిస్తూ ఉంటుంది. ఈ చిన్నారి ఎవరో తెలుసా.. ముద్దులొలుకుతున్న ఆ బాబు ఇప్పుడు హీరో అయ్యాడు. అంతే కాదు ఆ చిన్నారి మహేష్ కు చాలా కావాల్సిన వాడు. ఆ బుడతడు ఎవరో కాదు మహేష్ బాబు అన్న కొడుకు రమేష్ బాబు తనయుడు జయ కృష్ణ.
ఇది కూడా చదవండి : మూడు పెళ్లిళ్లు చేసుకొని తప్పు చేశా.. టైం అంతా వేస్ట్.. ఇప్పుడు బుద్దొచ్చింది
నిజం సినిమా తర్వాత మరో సినిమాలో నటించలేదు జయకృష్ణ.. ఇక ఇప్పుడు హీరోగా మారిపోయాడు. ఈ కుర్రాడు చాలా స్మార్ట్ గా అచ్చం బాబాయ్ మహేష్ బాబులా ఉన్నాడు. త్వరలోనే తన తొలి సినిమాతో ప్రేక్షకుల ముందుకు రానున్నాడు. క్రేజీ డైరెక్టర్ అజయ్ భూపతి దర్శకత్వంలో సినిమా తెరకెక్కుతుంది ఈ సినిమా.. శ్రీనివాస మంగాపురం అనే టైటిల్ తో ఈ మూవీని తెరకెక్కిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, సాంగ్స్ ప్రేక్షకులను విశేషంగా ఆట్టుకున్నాయి. మరి జయ కృష్ణ హీరోగా ఎలాంటి సక్సెస్ అందుకుంటాడో చూడాలి. ఇక మహేష్ బాబు సినిమాల విషయానికొస్తే ప్రస్తుతం రాజమౌళి దర్శకత్వంలో వారణాసి సినిమాలో నటిస్తున్నారు మహేష్. ఈ సినిమా షూటింగ్ శరవేగంగా జరుగుతుంది. వచ్చే ఏడాది ఏప్రిల్ 7న ఈ సినిమా రిలీజ్ కానుంది.