Salaar: ‘సలార్’ సినిమాకు ఒక్కొక్కరి రెమ్యునరేషన్ ఎంతో తెలుసా ?.. ప్రభాస్ తర్వాత ఆ ఇద్దరికే ఎక్కువ..

Salaar Cast

ఎట్టకేలకు ప్రేక్షకుల ముందుకు వచ్చేసింది ‘సలార్’. డైరెక్టర్ ప్రశాంత్ నీల్ దర్శకత్వంలో యంగ్ రెబల్ స్టార్ ప్రభాస్, మలయాళీ నటుడు పృథ్వీరాజ్ సుకుమారన్‏ల డైనమిక్ మూవీ డిసెంబర్ 22న ప్రపంచవ్యాప్తంగా విడుదలైంది. మొదటిరోజే ఈ సినిమాకు బ్లాక్ బస్టర్ హిట్ రెస్పాన్స్ వచ్చింది. ఫుల్ మాస్ యాక్షన్ డ్రామాగా వచ్చిన ఈ సినిమాలో డార్లింగ్ యాక్టింగ్.. నీల్ ఇచ్చిన ఎలివేషన్స్ చూస్తే గూస్ బంప్స్ రావడం పక్కా. ఇన్నాళ్లుగా సరైన హిట్ కోసం వెయిట్ చేస్తున్న ప్రభాస్ ఫ్యా్న్స్‏కు అదిరిపోయే ట్రీట్ ఇచ్చాడు నీల్. ప్రభాస్ మాస్ నట విశ్వరూపం చూసి ఫ్యాన్స్ ఫుల్ ఎంజాయ్ చేస్తున్నారు. ఇక కేజీఎఫ్ 1, 2 సినిమాలతో బ్లాక్ బస్టర్ హిట్స్ అందుకున్న నీల్.. ఇప్పుడు మరోసారి సలార్ సినిమాతో బాక్సాఫీస్ వద్ద విధ్వంసం సృష్టించాడు. ఈ సినిమాకు తెలుగు, తమిళం, మలయాళం, కన్నడ భాషలలో మంచి రెస్పాన్స్ వస్తుంది.

ఈ సినిమాలో మలయాళీ నటుడు పృథ్వీరాజ్ సుకుమారన్, జగపతి బాబు, శ్రుతిహాసన్ కీలకపాత్రలు పోషించగా.. రవి బస్రూర్ సంగీతం అందించారు. దాదాపు రూ.400 కోట్ల బడ్జెట్ తో ఈ సినిమాను నిర్మించింది హోంబలే ఫిల్స్మ్. విడుదలకు ఎలాంటి ఈవెంట్స్, ప్రెస్ మీట్స్, ప్రమోషన్స్ లేకుండానే ఓ రేంజ్ హైప్ క్రియేట్ చేసుకుంది ఈ సినిమా. సలార్ విడుదలకు కోసం చాలాకాలంగా ఎదురుచూసిన అభిమానులు థియేటర్స్ వద్ద చేసిన హడావిడి గురించి చెప్పక్కర్లేదు. రిలీజ్ కు ముందే అడ్వాన్స్ బుకింగ్స్ లో రికార్డ్స్ క్రియేట్ చేసింది సలార్. ఇదిలా ఉంటే.. ఈ సినిమాలో నటించిన నటీనటుల రెమ్యునరేషన్స్ గురించి ఆసక్తికర విషయాలు ఇప్పుడు సోషల్ మీడియాలో వైరలవుతున్నాయి.

మొత్తం రూ.400 కోట్ల బడ్జెట్ తో తెరకెక్కించిన ఈ సినిమాకు.. యంగ్ రెబల్ స్టార్ ప్రభాస్ రూ.100 కోట్లు పారితోషికం తీసుకున్నాడట. అలాగే లాభాల్లో 10 శాతం షేర్ తీసుకున్నట్లు తెలుస్తోంది. ఇక డైరెక్టర్ ప్రశాంత్ నీల్ ఈ సినిమాకు దాదాపు రూ.50 కోట్లు తీసుకున్నారని టాక్. ఇక ఈ సినిమాలో కథనాయిక ఆద్య పాత్రలో కనిపించిన శ్రుతిహాసన్.. రూ.8 కోట్లు రెమ్యునరేషన్ తీసుకుందట. అలాగే కీలకపాత్రలలో నటించిన జగపతి బాబు, పృథ్వీరాజ్ సుకుమారన్ ఇద్దరూ రూ.4 కోట్లు పారితోషికం తీసుకున్నట్లు తెలుస్తోంది.

మరిన్ని సినిమా వార్తల కోసం ఇక్కడ క్లిక్ చేయండి.